ఒక సినిమాకు కర్త కర్మ క్రియ అన్నీ ప్రొడ్యూసరే. నిర్మాత రిస్క్ చేసి డబ్బు పెట్టకుంటే ఏ సినిమా ఉండదు. అలాంటి నిర్మాతకు సినిమా మీద పూర్తి పట్టు ఉండాలి. ఎన్నో ఏళ్లుగా సక్సెస్ చూస్తున్న నిర్మాత దిల్ రాజు ఈ సూత్రాన్ని బాగా నమ్మి ఆచరిస్తున్నవారే. తను చేసే ప్రతి ప్రాజెక్ట్ మీద పూర్తి కంట్రోల్ ఉండాలనుకుంటారు దిల్ రాజు. అయితే ఈ విషయం బాగా తెలిసి, ఏళ్లుగా అనుసరించి దిల్ రాజు తన కొత్త సినిమా విషయంలో తప్పు చేశాడా? అనే కామెంట్స్ సోషల్ మీడియాలో వినిపిస్తున్నాయి.
ప్రస్తుతం రామ్ చరణ్ తో గేమ్ చేంజర్ సినిమా నిర్మిస్తున్నారు దిల్ రాజు. ఈ చిత్రాన్ని దిగ్దర్శకుడు శంకర్ రూపొందిస్తున్నారు. ఈ సినిమా విషయంలో దిల్ రాజు నిస్సహాయ స్థితిలో ఉన్నట్లు అర్థమవుతోంది. ఎందుకంటే స్టార్ డైరెక్టర్ కాబట్టి శంకర్ ను ఏమీ అనలేని పరిస్థితి. ఇక హీరో రామ్ చరణ్ కు శంకర్ దర్శకత్వంలో నటించాలనే కోరిక, పైగా శంకర్ అంటే గౌరవం. చిరంజీవే శంకర్ దర్శకత్వంలో నటించాలని ఊవిళ్లూరినప్పుడు రామ్ చరణ్ కు ఈ దర్శకుడు గొప్పతనం తెలియదా. హీరో తన దర్శకుడిని నెత్తిన పెట్టుకుని చూసుకుంటే నిర్మాత మధ్యలో కలగజేసుకునేందుకు సాహసం చేస్తాడా?
రీసెంట్ గా గేమ్ చేంజర్ గురించి అప్ డేట్స్ అడిగినప్పుుడు దిల్ రాజు సమాధానం విన్నవాళ్లకు ఆయన ఇబ్బందిగానే ఉన్నట్లు అర్థమైంది. గేమ్ చేంజర్ అప్ డేట్స్ శంకర్ గారిని అడగండి, ఆయన ఇచ్చినప్పుడు వెల్లడిస్తాం అని దిల్ రాజు అనడం ఆయన సిట్యువేషన్ తెలియజేస్తోంది. గతంలో ఇలాంటి పరిస్థితి వస్తుందనే ఇండియన్ 2 ప్రొడ్యూస్ చేయనని చెప్పిన దిల్ రాజు. ఇప్పుడు రామ్ చరణ్ చేస్తానని అన్నాడనే హోప్ తో గేమ్ చేంజర్ లోకి దిగాడని టాక్ వినిపిస్తోంది.
