పాన్ ఇండియా ట్రెండ్ లో ఏ భాష సినిమా అనేది ఇప్పుడు ముఖ్యం కాదు. ఆ సినిమా థ్రిల్ చేసిందా లేదా అనేది ముఖ్యం. కన్నడ మూవీ కాంతార తెలుగులో సాధించిన విజయం ఎన్నో పాన్ ఇండియా మూవీస్ ను ఇన్స్ పైర్ చేసింది. గీతా ఆర్ట్స్ తెలుగులో రిలీజ్ చేసిన ఈ సినిమాకు ఘన విజయాన్ని అందించారు మన ప్రేక్షకులు. ఈ సక్సెస్ తో కాంతార 2 సినిమా టాలీవుడ్ రిలీజ్ కు క్రేజ్ ఏర్పడింది.
ఇలా వివిధ భాషల్లో తమ సినిమా మీద ఏర్పడిన బజ్ తో కాంతార 2 ను వీలైనంత త్వరగా సెట్స్ మీదకు తీసుకెళ్లే పనిలో ఉన్నారట మూవీ టీమ్. కాంతార 2 సినిమా ఫస్ట్ షెడ్యూల్ రెగ్యులర్ షూటింగ్ నవంబర్ నుంచి ప్రారంభించబోతున్నారని సమాచారం. ఈ సినిమా కాంతారకు ప్రీక్వెల్ ఉండనుంది. రిషభ్ శెట్టి హీరోగా నటించి దర్శకత్వం వహించిన ఈ సినిమాను హోంబలే ఫిలింస్ సంస్థ నిర్మించింది. భూతకోల సంప్రదాయాన్ని చూపిస్తూ ఒక డివోషనల్ థ్రిల్లర్ గా తెరకెక్కిన ఈ సినిమాను భయం, భక్తితో చూశారు ప్రేక్షకులు.
