మెగాస్టార్ చిరంజీవి కెరీర్ లో ఫాంటసీ ఎంటర్ టైనర్ మూవీస్ కు ఓ ప్రత్యేకత ఉంది. ఆయన ఈ జానర్ లో నటించిన జగదేకవీరుడు అతిలోక సుందరి సినిమా ఎంత బిగ్ హిట్ అయ్యిందో తెలుసు. అంజి సినిమాను కూడా అలాంటి జానర్ లోనే చేశారు చిరంజీవి. ఆ తర్వాత చిరు చేయబోయే ఫాంటసీ ఎంటర్ టైన్ మెంట్ సినిమా కోసం మూవీ లవర్స్ ఎదురుచూశారు. ఇవాళ తన పుట్టినరోజు సందర్భంగా చిరంజీవి ఫాంటసీ ఎంటర్ టైనర్ మూవీని అనౌన్స్ చేశారు.
చిరంజీవి నటిస్తున్న 157వ సినిమా ఇది. యూవీ క్రియేషన్స్ నిర్మాణంలో బింబిసార దర్శకుడు వశిష్ట ఈ చిత్రాన్ని రూపొందిస్తున్నారు. ఈ సినిమా ప్రకటన సందర్భంగా విడుదల చేసిన పోస్టర్ ఇంట్రెస్టింగ్ గా ఉంది. దర్శకుడు వశిష్ట స్పందిస్తూ…బిగ్ స్క్రీన్ మీద మిమ్మల్ని చూపించే అవకాశం ఇచ్చినందుకు మెగాస్టార్ చిరంజీవి గారికి నా కృతజ్ఞతలు. నాపై ఆయన ఉంచిన నమ్మకాన్ని నిలబెట్టుకుంటా. అని ట్వీట్ చేశారు. త్వరలో ఈ సినిమా సెట్స్ మీదకు వెళ్లనుంది.
ఇక ఇవాళ మెగాస్టార్ తో సినిమా చేస్తున్న మరో నిర్మాణ సంస్థ గోల్డ్ బాక్స్ ఎంటర్ టైన్ మెంట్స్ కూడా ఆయనకు పుట్టినరోజు శుభాకాంక్షలు చెబుతూ ట్వీట్ చేసింది. మెగాస్టార్ తో ఈ సంస్థ 156వ సినిమా తెరకెక్కించబోతోంది. ఈ సినిమాకు దర్శకుడు ఎవరనేది ఇంకా ప్రకటించలేదు.
