పవన్ కల్యాణ్ వారసుడు అఖిరా నందన్ హీరోగా అరంగేట్రం చేస్తున్నారంటూ వస్తున్న వార్తలపై రేణు దేశాయ్ స్పందించింది. దర్శకేంద్రుడు రాఘవేంద్రరావును కలిసిన ఫొటోను రేణు దేశాయ్ ఇన్ స్టాగ్రామ్ లో పోస్ట్ చేయగానే…నెటిజన్స్ అఖిరా నందన్ హీరోగా లాంఛింగ్ మూవీ కోసమే రాఘవేంద్రరావును ఆమె కలిసిందంటూ కామెంట్స్ పంపడం ప్రారభించారు. దీంతో తన పోస్ట్ పై క్లారిటీ ఇచ్చింది రేణు దేశాయ్.
రేణు దేశాయ్ రిప్లై ఇస్తూ – అఖిరాకు ప్రస్తుతం సినిమాల్లో నటించే ఆసక్తి లేదు. ఫ్యూచర్ లో అతను హీరోగా నటిస్తానని చెబుతాడో లేదో నేను ఊహించలేను. నేను ఇన్ స్టాలో పోస్ట్ చేసిన ప్రతిసారీ అఖిరా ఎంట్రీ గురించి ఊహాగానాలు చేయకండి. అఖిరా హీరోగా నటిస్తానని నిర్ణయించుకుంటే…నేనే ముందుగా మీకు తెలియజేస్తా. అని పేర్కొంది. ఇటీవల అఖిర పవన్ కల్యాణ్ బ్రో సినిమా చూసేందుకు ఆర్టీసీ క్రాస్ రోడ్స్ థియేటర్ కు వెళ్లారు. అక్కడ అభిమానులు పెద్ద ఎత్తున రిసీవ్ చేసుకున్నారు. అఖిరా రాకను అంతా ప్రత్యేకంగా చూశారు.
