నవీన్ పొలిశెట్టి, స్టార్ హీరోయిన్ అనుష్క శెట్టి జంటగా నటించిన ‘మిస్ శెట్టి మిస్టర్ పోలిశెట్టి’ సినిమా ట్రైలర్ ను అభిమానులు, మీడియా ప్రతినిధులే చీఫ్ గెస్టులుగా రిలీజ్ చేశారు. హైదరాబాద్ ప్రసాద్ ఐమ్యాక్స్ లో జరిగిన ఈ కార్యక్రమంలో అభిమానులు, ఆడియెన్స్ పెద్ద సంఖ్యలో పాల్గొన్నారు. ఈ చిత్రాన్ని ప్ర‌ముఖ నిర్మాణ సంస్థ యువీ క్రియేష‌న్స్ బ్యాన‌ర్‌పై మ‌హేష్ బాబు.పి ద‌ర్శ‌క‌త్వంలో వంశీ, ప్ర‌మోద్‌ నిర్మించారు. శ్రీకృష్ణ జన్మాష్టమి పండుగ సందర్భంగా ‘మిస్ శెట్టి మిస్టర్ పోలిశెట్టి’ సెప్టెంబర్ 7న గ్రాండ్ గా రిలీజ్ కాబోతోంది. ట్రైలర్ రిలీజ్ సందర్భంగా
దర్శకుడు పి.మహేశ్ బాబు మాట్లాడుతూ – ఇదొక ఎంటర్ టైనింగ్ మూవీ మాత్రమే కాదు. ఒక ఎమోషన్ ఉంటుంది. ఇవాళ్టి యూత్.. రిలేషన్స్ ను చూస్తున్న దృష్టి కోణం ఉంటుంది. పెళ్లి ఒక్కటే కాదు వాళ్లు ఏర్పర్చుకునే ప్రతి రిలేషన్ లో యువత ఆలోచించే తీరు ఎలా ఉంటుంది అనేది చూపిస్తున్నాం.
ట్రైలర్ లో మీరు చూసిన పాయింట్ తోనే సినిమా ఉండదు. మిమ్మల్ని ట్రైలర్ తో మిస్ గైడ్ చేస్తున్నాం. సినిమాలో మరో యూనిక్ పాయింట్ ఉంటుంది. అదేంటో సినిమాలో చూడాలి. ‘మిస్ శెట్టి మిస్టర్ పోలిశెట్టి’ వెరీ క్లీన్ ఫిల్మ్. ఫ్యామిలీతో కలిసి చూడొచ్చు. సెప్టెంబర్ 7న థియేటర్స్ లో కలుద్దాం. అని అన్నారు. నటుడు మహేశ్ ఆచంట మాట్లాడుతూ – జాతి రత్నాలు సినిమాలో అన్నతో కలిసి నటించాను. ఈ సినిమాలో నవీన్ అన్న ఎనర్జీ సర్ ప్రైజ్ చేస్తుంది. అనుష్క గారి సైజ్ జీరో సినిమాలో చిన్న రోల్ చేశాను. ఈ సినిమాలో మంచి క్యారెక్టర్ దొరికింది. నవీన్ అన్న జాతి రత్నాలతో 70 కోట్ల వసూళు మూవీ చేశాడు. ఈ సినిమాతో 100 క్రోర్ కలెక్షన్ చేయాలని కోరుకుంటున్నా.అన్నారు.
హీరో నవీన్ పోలిశెట్టి మాట్లాడుతూ – రొమాంటిక్ కామెడీ మూవీస్ తో పోల్చితే మా సినిమాలో ఒక యూనిక్ పాయింట్ ఉంది. ట్రైలర్ లో మీరు చూసింది తక్కువే. సినిమాలో అనుష్క చేసే రచ్చను చూస్తారు. హీరో హీరోయిన్ల క్యారెక్టర్స్ కెమిస్ట్రీ మీద రన్ అయ్యే సినిమా ఇది. ఇటీవల ఫైర్ యాక్సిడెంట్ లో గాయాలైన ఒక మహిళా అభిమాని డిప్రెషన్ నుంచి కోలుకునేందుకు నా జాతి రత్నాలు సినిమా రోజూ చూస్తానని చెప్పింది.
ఇంతకంటే ఓ నటుడిగా నాకేం కావాలి. ఎన్ని బాక్సాఫీస్ హిట్స్ వచ్చినా, ఎన్ని రికార్డులు సాధించినా ఇంత కంటే సంతృప్తి నటుడిగా నాకు దొరకదు. యాక్షన్ మూవీస్ చేసేందుకు కూడా నేను సిద్ధమే. అయితే ప్రేక్షకులు నన్ను వైవిధ్యమైన కథల్లో ఆదరించినంత కాలం అన్ని జానర్స్ మూవీస్ చేస్తూనే ఉంటా. ప్రభాస్ అన్నకు మా మూవీ ట్రైలర్ నచ్చింది. ప్రభాస్ అన్నకు థాంక్స్. అన్నారు.
