స్వయంవరం, చిరునవ్వుతో, హనుమాన్ జంక్షన్, పెళ్లాం ఊరెళితే వంటి ఎన్నో సూపర్ హిట్ చిత్రాల్లో నటించి తెలుగు ప్రేక్షకులకు దగ్గరయ్యారు హీరో వేణు తొట్టెంపూడి. ఇటీవల రామారావ్ ఆన్ డ్యూటీలో కీ రోల్ చేసిన వేణు…ఇప్పుడు తన రియల్ కమ్ బ్యాక్ కు రెడీ అవుతున్నారు. డిస్నీ ఫ్లస్ హాట్ స్టార్ స్పెషల్స్ అతిథితో ఆడియెన్స్ ముందుకొస్తున్నారు.
డిస్నీ ఫ్లస్ హాట్ స్టార్ ప్రస్తుతం మంచి సక్సెస్ ఫుల్ సిరీస్ లను అందిస్తోంది. సేవ్ ది టైగర్స్, సైతాన్, దయా వంటి వెబ్ సిరీస్ లతో ఓటీటీ లవర్స్ ను ఆకట్టుకుంటోంది. ఈ క్రమంలో వస్తున్న అతిథి సిరీస్ పై అందరిలో ఆసక్తి నెలకొంది. ఈ అతిథి వెబ్ సిరీస్ పోస్టర్ లో గాయాలతో వేణు తొట్టెంపూడి కనిపిస్తున్నారు. అందరు గెస్ట్ లు ఆహ్వానించలేం అనే క్యాప్షన్ ఇంట్రెస్ట్ క్రియేట్ చేస్తోంది. త్వరలో అతిథి వెబ్ సిరీస్ స్ట్రీమింగ్ కు సిద్ధమవుతోంది.
