నేడు మెగాస్టార్ చిరంజీవి పుట్టినరోజు. ఆయన బర్త్ డే సందర్భంగా నిన్నటి నుంచే శుభాకాంక్షలు వెల్లువెత్తుతున్నాయి. పవర్ స్టార్ పవన్ నిన్ననే అన్నయ్యకు బర్త్ డే విశెస్ చెప్పారు. ఇక ఇవాళ హీరోయిన్ కీర్తి సురేష్, హీరోలు అల్లు అర్జున్, సాయి ధరమ్ తేజ్, కొరియోగ్రాఫర్ ప్రభుదేవా, నిర్మాత టీజీ విశ్వప్రసాద్, హారికా హాసినీ క్రియేషన్స్, గీతా ఆర్ట్స్, దర్శకుడు పూరి జగన్నాథ్ తదితరులు పుట్టినరోజు శుభాకాంక్షలు తెలిపారు. బర్త్ డే కోసం రీసెంట్ గా ఫొటో షూట్ చేయించుకున్నారు మెగాస్టార్. ఆ ఫొటోస్ సోషల్ మీడియాలో చక్కర్లు కొడుతున్నాయి. హ్యాపీ బర్త్ డే మెగాస్టార్ అనే హ్యాష్ ట్యాగ్ ట్రెండ్ అవుతోంది.
ఇక మెగాస్టార్ కొత్త సినిమా అనౌన్స్ మెంట్ కు కూడా టైమ్ ఫిక్స్ అయ్యింది. ఈ ఉదయం 10.53 గంటలకు యూవీ క్రియేషన్స్ లో మెగాస్టార్ నటించబోతున్న సినిమా ప్రకటన వెలువడనుంది. అందమైన ఘట్టాలన్నీ జరిగేందుకు ఈ యూనివర్స్ తోడ్పడుతుంది. మమ్మల్ని ఇన్స్ పైర్ చేసి…ఇంతలా ఎదిగేందుకు వ్యక్తితో సినిమా నిర్మించడం గర్వంగా ఉందంటూ యూవీ సంస్థ ట్వీట్ చేసింది. ఈ సినిమా అనౌన్స్ మెంట్ సందర్భంగా రిలీజ్ చేసిన పోస్టర్ బ్యాక్ గ్రౌండ్ కూడా కొత్తగా ఉంది.
