ప్రొడ్యూసర్ దిల్ రాజు వారసుడు ఆశిష్ మూడో సినిమా చేసేందుకు రెడీ అవుతున్నాడు. రౌడీ బాయ్స్ సినిమాతో హీరోగా ఎంట్రీ ఇచ్చాడు ఆశిష్. ఆ సినిమా యావరేజ్ సక్సెస్ సాధించినా..నటుడిగా ఆశిష్ ఫర్వాలేదనే పేరు తీసుకొచ్చింది. ఇప్పుడు తన రెండో సినిమా సెల్ఫిష్ లో నటిస్తున్నాడీ యంగ్ హీరో. ఈ సినిమా ప్రస్తుతం రెగ్యులర్ చిత్రీకరణలో ఉంది. ఈ సినిమాతో మాస్ హీరోగా పేరు తెచ్చుకునే ప్రయత్నం చేస్తున్నాడు ఆశిష్.
ఇక ఆశిష్ రెండో సినిమా సెట్స్ మీద ఉండగానే మూడో సినిమాకు సన్నాహాలు జరుగుతున్నాయి. ఈసారి లవ్ స్టోరిని ఎంచుకుంటున్నట్లు తెలుస్తోంది. ఈ సినిమాకు టాప్ టెక్నీషియన్లను ఎంచుకుంటున్నట్లు సమాచారం. పాన్ ఇండియా స్థాయిలో పేరున్న సాంకేతిక నిపుణులను తీసుకోవడం ద్వారా ఓ భారీ ప్రాజెక్ట్ కు స్టెప్ వేస్తున్నారు నిర్మాత దిల్ రాజు. ఈ మూడో సినిమాను కూడా ఆయనే నిర్మించబోతున్నారు. రేపు ఈ సినిమాకు సంబంధించిన అనౌన్స్ మెంట్ వచ్చే అవకాశం ఉంది.
