పవన్ కల్యాణ్ నటించిన ఫ్యామిలీ ఎంటర్ టైనర్ గుడుంబా శంకర్ రీ రిలీజ్ డేట్ మారింది. ఈ సినిమాను ఈ నెల 31న థియేటర్స్ లో రీ రిలీజ్ చేస్తున్నట్లు నిర్మాత నాగబాబు గతంలో ప్రకటించారు. అయితే తాజాగా ఈ డేట్ ఛేంజ్ అయ్యింది. ఆ విషయాన్ని నాగబాబు సోషల్ మీడియా ద్వారా వెల్లడించారు. పవన్ పుట్టిన రోజైన సెప్టెంబర్ 2న గుడుంబా శంకర్ సినిమాను విడుదల చేస్తున్నట్లు ఆయన తెలిపారు.
ఈ సందర్భంగా గుడుంబా శంకర్ 4కే ట్రైలర్ ను రిలీజ్ చేశారు నాగబాబు. ఆ ట్రైలర్ లింక్ ను తన పోస్ట్ లో ఇచ్చారు. పవన్ కల్యాణ్, మీరా జాస్మిన్ జంటగా నటించిన ఈ సినిమా 2004లో విడుదలైంది. నాగబాబు నిర్మాణంలో దర్శకుడు వీర శంకర్ గుడుంబా శంకర్ సినిమాను రూపొందించారు. పవన్ హీరోయిజం, ఎంటర్ టైన్ మెట్, లవ్, ఫ్యామిలీ ఎమోషన్స్ తో ఈ సినిమా తెరకెక్కింది. అప్పటికి ట్రెండ్ కు సరిపోయే సినిమా కాదు కాబట్టి ఆశించిన ఫలితం రాబట్టలేకపోయింది. సెప్టెంబర్ 2న ఫ్యాన్స్ కు ట్రీట్ ఇవ్వనుందీ సినిమా.
