సంక్రాంతికి రెండు పెద్ద సినిమాలతో టాలీవుడ్ స్క్రీన్ మీద సందడి చేసింది అందాల తార శృతి హాసన్. వాల్తేరు వీరయ్య, వీర సింహా రెడ్డి సినిమాలు ఆమెకు బిగ్ కమ్ బ్యాక్ మూవీస్ అయ్యాయి. అయితే ఈ రెండు సినిమాలు ఆశించిన సక్సెస్ అందుకోకపోవడం ఈ భామకు పెద్దగా కలిసిరాలేదు. ప్రస్తుతం ప్రభాస్ సరసన సలార్ నటిస్తోంది శృతి హాసన్. ఆమె ఖాతాలో మరికొన్ని క్రేజీ ప్రాజెక్ట్స్ ఉన్నాయి.
సింపుల్ లైఫ్ లీడ్ చేసే శృతి హాసన్…సోషల్ మీడియాలో చాలా యాక్టివ్ గా ఉంటుంది. తన మనసుకు అనిపించింది అక్కౌంట్ లో పోస్ట్ చేస్తుంటుందీ సుందరి. ఆమె సోషల్ మీడియా అక్కౌంట్స్ ఫాలో అయ్యేవారికి శృతి హాసన్ లేటెస్ట్ ఇన్ స్టాగ్రామ్ స్టోరీ ఒకటి సర్ ప్రైజింగ్ గా అనిపించింది. కర్మ సిద్ధాంతంపై శృతి హాసన్ ఆ పోస్ట్ చేసింది.
ఆ పోస్టులో శృతి స్పందిస్తూ – కొందరు ఇతరుల మీద కోపంతో గోతులు తవ్వడం నాకు తెలుసు. ఆ గోతుల్లో వాళ్లు కూడా పడే అవకాశం ఉంటుంది. నేను ఇవన్నీ నిశ్శబ్దంగా గమనిస్తూ ఉంటా. నా వర్క్ నేను చేసుకుంటూ వాళ్లను కర్మకు వదిలేస్తా. కర్మ వారి పట్ల బాగా పనిచేయడం చూశా. అని పేర్కొంది. ఎవర్ని ఉద్దేశించి శృతి ఇలా పోస్ట్ చేసిందో తెలియదు. సలార్ పార్ట్ 1 సీజ్ ఫైర్ తో శృతి ప్రేక్షకుల ముందుకు రానుంది.
