నేచురల్ స్టార్ గా పేరు తెచ్చుకున్న నాని…తనకా పేరు వద్దని నాని అని పిలిస్తే చాలని ఇటీవల స్టేట్ మెంట్ ఇచ్చారు. అయినా నానిని అలా పిలవడం అందరికీ అలవాటై పోయింది. ఆ మధ్య వరుసగా ఫ్లాప్స్ చూసిన నాని…దసరాతో మళ్లీ హిట్ ట్రాక్ లోకి వచ్చాడు. కమర్షియల్ ఫార్మేట్ లోనే వెరైటీ మూవీస్ సెలెక్ట్ చేసుకుంటే సక్సెస్ కొంత లేటైనా వస్తుందని నాని నిరూపించాడు.
దసరా పాన్ ఇండియా సక్సెస్ తర్వాత నాని హాయ్ నాన్న పేరుతో మరో భిన్నమైన సినిమా చేస్తున్నారు. ఓ పాపకు తండ్రిగా ఆయన కనిపించబోతున్నారు. ఈ సినిమా ప్రస్తుతం రెగ్యులర్ షూటింగ్ లో ఉంది. ఈ సినిమా తర్వాత నానితో మూవీ చేసేందుకు కనీసం ముగ్గురు దర్శకులు లైన్ లో ఉన్నారు. వాళ్లలో ఓ తమిళ దర్శకుడికీ అవకాశం ఉండొచ్చని టాక్ వినిపిస్తోంది.
నానికి దసరా లాంటి బ్లాక్ బస్టర్ ఇచ్చిన శ్రీకాంత్ ఓదెల మరో రా అండ్ రస్టిక్ మూవీ నానితో తీసేందుకు సన్నాహాలు చేసుకుంటున్నారు. ఇక నానితో అంటే సుందరానికీ సినిమా డైరెక్ట్ చేసిన వివేక్ ఆత్రేయతో నాని ఒక మూవీ చేస్తానని ప్రకటించాడు. వీరితో పాటు ఓ సక్సెస్ ఫుల్ తమిళ దర్శకుడు కూడా నానికి కథ వినిపించి సినిమా ట్రాక్ ఎక్కించేందుకు ప్రయత్నాలు చేస్తున్నారు. మరి వీరిలో ఎవరితో సినిమా చేయాలన్నది నాని ముందున్న ఛాయిస్ గా కనిపిస్తోంది.
