కేజీఎఫ్ రెండు సినిమాలతో పాన్ ఇండియా స్టార్ అయ్యారు కన్నడ హీరో యష్. కేజీఎఫ్ 1 రిలీజ్ టైమ్ కు యష్ తెలుగు ప్రేక్షకులకు తెలియదు కానీ ఆ సినిమా విడుదలయ్యాక యూత్ లో చాలా మంది అతనికి ఫ్యాన్స్ అయ్యారు. కేజీఎఫ్ 2 తర్వాత ఈ యాక్షన్ హీరోకు తెలుగులోనూ అభిమానులు బాగా పెరిగారు. ఈ క్రేజ్ తో యష్ తో తెలుగు సినిమా నిర్మించాలని మన ప్రొడ్యూసర్స్ కొందరు తీవ్రంగా ప్రయత్నాలు చేస్తున్నారు.
ఈ ప్రొడ్యూసర్స్ లో నిర్మాత దిల్ రాజు కూడా ఉన్నారు. ఆయన యష్ తో సినిమా నిర్మించే ప్రయత్నాలు ముమ్మరం చేశారు. ప్రొడ్యూసర్ గా దిల్ రాజుకున్న గుడ్ విల్ వల్ల యష్ డేట్స్ ఇచ్చే అవకాశాలున్నాయి. అయితే యష్ కు ఇప్పుడున్న ఇమేజ్ శాటిస్వై చేసేలా ఏ దర్శకుడు సినిమా చేయగలడు అనేది ప్రశ్నగా మిగిలింది. కేజీఎఫ్ 2 సినిమాలు తెచ్చిన గ్రేట్ ఇమేజ్ తో అసలు ఎలాంటి కథను తన తదుపరి సినిమాకు ఎంచుకోవాలి అనే సందేహంలో ఉన్నాడు యష్.
యష్ కన్నడలో ఓ ప్రముఖ నిర్మాణ సంస్థకు తన తదుపరి సినిమా చేయాల్సి ఉంది. ఈ సినిమా అనౌన్స్ మెంట్ వస్తే ఆయన తర్వాత సినిమాల గురించి క్లారిటీ వస్తుంది. మరోవైపు హోంబలే ఫిలింస్ ప్రశాంత్ నీల్ డైరెక్షన్ లో కేజీఎఫ్ 3 ఉంటుందని ప్రకటించింది. ఈ ప్రాజెక్ట్స్ పట్టాలెక్కే వీలును బట్టే యష్ నేరుగా తెలుగు సినిమా చేయడం కుదురుతుంది.
