పాన్ ఇండియా స్టార్ ప్రభాస్ సలార్ బుకింగ్స్ అమెరికాలో ప్రారంభం కాబోతున్నాయి. మరే ఇండియన్ ఫిల్మ్ రిలీజ్ కానంత గ్రాండ్ గా యూఎస్ లో విడుదలకు సిద్ధమవుతోంది సలార్. అత్యధిక లొకేషన్స్ లో ఈ ప్రెస్టీజియస్ మూవీ ప్రేక్షకుల ముందుకు రాబోతోంది. స్కోప్, స్కోప్ అట్మాస్, ఐమ్యాక్స్ వంటి అన్ని మేజర్ ఫార్మేట్లలో అన్ని ప్రధాన భాషల్లో సలార్ యూఎస్ రిలీజ్ ఉండబోతోంది. వచ్చే వారం నుంచి అమెరికాలో సలార్ అడ్వాన్స్ బుకింగ్స్ మొదలుపెట్టబోతున్నట్లు తెలుస్తోంది.
యూఎస్ లో అడ్వాన్స్ బుకింగ్స్ లో సలార్ కొత్త రికార్డులు సృష్టించడం ఖాయంగా కనిపిస్తోంది. ఇక్కడ ఇండియాలో బుక్ మై షో యాప్ లో 200కే పైగా ఇంట్రెస్ట్ లు అందుకుని రికార్డ్ క్రియేట్ చేసిందీ సినిమా. కేజీఎఫ్ ఫేమ్ డైరెక్టర్ ప్రశాంత్ నీల్, ప్రభాస్ కాంబో కావడంతో సలార్ పై ఇంత క్రేజ్ ఏర్పడింది. హోంబలే ఫిలింస్ నిర్మిస్తున్న ఈ సినిమా సెప్టెంబర్ 28న రిలీజ్ కాబోతోంది. ఈ చిత్రంలో శృతి హాసన్ హీరోయిన్ గా నటిస్తుండగా…పృథ్వీరాజ్ సుకుమారన్ విలన్ క్యారెక్టర్ లో కనిపించబోతున్నారు.
