సయ్యద్ సోహైల్ రియాన్, రూపా కొడవాయుర్ జంటగా నటించిన లేటెస్ట్ మూవీ ‘మిస్టర్ ప్రెగ్నెంట్’ సక్సెస్ మీట్ లో నిర్మాత అప్పిరెడ్డి చేసిన రిక్వెస్ట్ ఆలోచింపజేసేలా ఉంది. స్టార్ హీరోలు, డబ్బింగ్ సినిమాల రీ రిలీజ్ లు శుక్రవారం కాకుండా మరో రోజు చేసుకోవాలంటూ ఆయన విజ్ఞప్తి చేశారు. నిన్న (శుక్రవారం) థియేటర్ లలో రిలీజైన ‘మిస్టర్ ప్రెగ్నెంట్’ సినిమాకు ప్రేక్షకులతో పాటు విమర్శకుల నుంచి పాజిటివ్ టాక్ వచ్చింది.
ఈ సందర్భంగా జరిపిన సక్సెస్ మీట్ లో దర్శకుడు శ్రీనివాస్ వింజనంపాటి మాట్లాడుతూ – ‘మిస్టర్ ప్రెగ్నెంట్’ సినిమాకు మంచి సక్సెస్ అందించిన ప్రేక్షకులకు థాంక్స్. ఇలాంటి సినిమాలు చేయాలంటే ప్రొడ్యూసర్స్ కు గట్స్ ఉండాలి. మైక్ మూవీస్ సంస్థ ఆ రిస్క్ తీసుకుంది. మా సినిమాలోని ఎమోషన్ తో పాటు బ్రహ్మాజీ గారి కామెడీ సూపర్బ్ గా వర్కవుట్ అయ్యింది. ‘మిస్టర్ ప్రెగ్నెంట్’ కుటుంబమంతా కలిసి చూడాల్సిన మూవీ. అని అన్నారు. హీరోయిన్ రూపా కొడవయూర్ మాట్లాడుతూ – ‘మిస్టర్ ప్రెగ్నెంట్’ సినిమాకు అన్ని చోట్ల పాజిటివ్ టాక్ వస్తోంది. ఈ సినిమాకు సక్సెస్ ఇచ్చి ఎంకరేజ్ చేసిన ప్రతి ఒక్కరికీ థాంక్స్. ఇలాంటి ట్రెండ్ ‘మిస్టర్ ప్రెగ్నెంట్’ సినిమా చేసేందుకు సరైన సమయం అనుకుంటున్నా. అని చెప్పింది.
నిర్మాత అప్పిరెడ్డి మాట్లాడుతూ – ‘మిస్టర్ ప్రెగ్నెంట్’ కు వస్తున్నరెస్పాన్స్ చాలా సంతోషంగా ఉంది. ప్రేక్షకులకు థాంక్స్. కొత్త కాన్సెప్ట్ అయినా ప్రేక్షకులు ఆదరిస్తున్నారు. తెలుగు తెరపై ఇలాంటి సినిమా రాలేదు. మేము ఆ ప్రయత్నం చేశాం. మేము ఇండస్ట్రీలో హీరోలకు, ప్రొడ్యూసర్స్ కు ఒక రిక్వెస్ట్ చేస్తున్నా. చిన్న సినిమాలకు ఎప్పుడో ఒకసారి ఒక మంచి రిలీజ్ డేట్ దొరుకుతుంది.
ఆ ఫ్రైడేనే పెద్ద హీరోల సినిమాలు, తమిళ హిట్ సినిమాల రీ రిలీజ్ లు చేస్తున్నారు. దయచేసి మీ రీ రిలీజ్ లు ఫ్రైడే కాకుండా మరో రోజు చూసి చేసుకోవాలని కోరుతున్నా. అన్నారు. హీరో సోహైల్ మాట్లాడుతూ – నేను పదహారేళ్లుగా ఇండస్ట్రీలో పడుతున్న కష్టానికి ఇవాళ ఫలితం దక్కిందని అనుకుంటున్నాను. ‘మిస్టర్ ప్రెగ్నెంట్’ కు వచ్చిన ప్రతి రివ్యూలో సోహైల్ బాగా నటించాడని రాశారు. నేనొక నటుడిని అని గుర్తింపు దక్కినందుకు సంతోషంగా ఉంది. ఒక మంచి సినిమా చేశామని చెబుతున్నారు. పబ్లిక్ టాక్ వినండి.. ఏ ఒక్కరూ నెగిటివ్ గా చెప్పలేదు. అన్నారు.
