ఆనంద్ దేవరకొండ, వైష్ణవి చైతన్య, విరాజ్ అశ్విన్ హీరో హీరోయిన్లుగా నటించిన బేబి సినిమా ఓటీటీ డేట్ ఫిక్సయ్యింది. ఆహా ఓటీటీలో ఈ నెల 25వ తేదీ నుంచి ఈ సినిమా స్ట్రీమింగ్ కాబోతోంది. ఆహా గోల్డ్ మెంబర్ షిప్ ఉన్నవాళ్లు 12 గంటల ముందే అంటే ఈ నెల 24వ తేదీనే బేబిని చూడొచ్చు. ఈ సినిమాను మాస్ మూవీ మేకర్స్ బ్యానర్ లో దర్శకుడు సాయి రాజేష్ రూపొందించారు. బాక్సాఫీస్ వద్ద బేబి ఘన విజయంతో ఓటీటీలో ఈ సినిమాకు క్రేజ్ ఏర్పడింది. థియేటర్స్ లో ఈ సినిమా చూడని వారు ఓటీటీలో రిలీజ్ కోసం వేచి చూస్తున్నారు.
చిన్న సినిమాల్లో పెద్ద విజయం సాధించి కల్ట్ బ్లాక్ బస్టర్ గా పేరు తెచ్చుకుంది బేబి. బాక్సాఫీస్ వద్ద దాదాపు 92 కోట్ల రూపాయలు దక్కించుకుంది. హీరోలుగా ఆనంద్ దేవరకొండ, విరాజ్ అశ్విన్ , హీరోయిన్ వైష్ణవి చైతన్యకు కెరీర్ బెస్ట్ మూవీ అయ్యింది. కేవలం పరిస్థితులను విలన్ లుగా చూపిస్తూ ఏ క్యారెక్టర్ నూ బ్యాడ్ చేయకుండా దర్శకుడు సాయి రాజేష్ కథను చూపించిన విధానం ప్రేక్షకుల్ని ఆకట్టుకుంది. ఓటీటీలో బేబి ఎలాంటి సెన్సేషనల్ నెంబర్స్ క్రియేట్ చేస్తుందో చూడాలి.
