రవితేజ హీరోగా నటిస్తున్న కొత్త సినిమా టైగర్ నాగేశ్వరరావు టీజర్ ఇవాళ రిలీజ్ చేశారు. ఈ చిత్రాన్ని అభిషేక్ అగర్వాల్ ఆర్ట్స్ బ్యానర్ లో నూతన దర్శకుడు వంశీ రూపొందిస్తున్నారు. గాయత్రి భరద్వాజ్, నుపూర్ సనన్ హీరోయిన్స్ గా నటిస్తున్నారు. రేణు దేశాయ్, అనుపమ్ ఖేర్, మురళీ శర్మ ఇతర కీలక పాత్రల్లో కనిపించనున్నారు. దసరా పండుగకు అక్టోబర్ 20న టైగర్ నాగేశ్వరరావు రిలీజ్ కు రెడీ అవుతోంది. టీజర్ ఎలా ఉందో రివ్యూలో చూద్దాం.
చిన్నప్పుడే పాలకు బదులు రక్తం తాగడం అలవాటైన నొటోరియస్ క్రిమినల్ టైగర్ నాగేశ్వరరావు. స్టువర్ట్ పురం అడ్డాగా దక్షిణాది రాష్ట్రాల ప్రభుత్వాలను గడగడలాడించిన పేరుమోసిన దొంగ. మద్రాస్ జైలు నుంచి అతను తప్పించుకోవడంతో ఈ టీజర్ స్టార్ట్ అయ్యింది. అతని కెపాసిటీ చెబుతూ టైగర్ నాగేశ్వరరావు పాలిటిక్స్ లోకి వెళ్లుంటే వాడి తెలివితేటలతో ఎలక్షన్ గెలిచేవాడు…స్పోర్ట్స్ లోకి వెళ్లుంటే వాడి పరుగుతో ఇండియాకు మెడల్ గెల్చేవాడు…ఆర్మీలోకి వెళ్లుంటే వాడి ధైర్యంతో ఒక యుద్ధాన్నే గెలిచేవాడు…దురదృష్టవశాత్తూ అతనొక క్రిమినల్ అయ్యాడు అనే డైలాగ్స్ పవర్ ఫుల్ గా ఉండి ఆకట్టుకున్నాయి.
70, 80 దశకాల నాటి మేకింగ్ సహజంగా ఉంది. ఇక టైగర్ నాగేశ్వరరావు పాత్రలో రవితేజ యాక్టింగ్ ఫెరోషియస్ గా ఉండి సర్ ప్రైజ్ చేసింది. సరదాగా నవ్వించే రవితేజను ఇలాంటి క్యారెక్టర్ లో చూడటం కొత్తదనం కలిగించే విషయమే.
