విజయ్ దేవరకొండ, సమంత హీరో హీరోయిన్లుగా నటిస్తున్న ‘ఖుషి’ సినిమా మ్యూజిక్ కన్సర్ట్ మంగళవారం సాయంత్రం హైదరాబాద్ లో ఘనంగా జరిగింది. ఈ కార్యక్రమంలో భారీ సంఖ్యలో మూవీ లవర్స్ పాల్గొన్నారు. ఇండిపెండెన్స్ డే హాలీడే కావడంతో భారీగా అభిమానులు, ప్రేక్షకులు ఈ షోకు హాజరయ్యారు. వీళ్ల అంచనాలకు తగినట్లే మ్యూజిక్ కన్సర్ట్ ఆద్యంతం మెస్మరైజ్ చేసింది. ‘ఖుషి’ సినిమాలోని బ్యూటిపుల్ సాంగ్స్ ను సింగర్స్ జావెద్ అలీ, సిధ్ శ్రీరామ్, మంజూష, చిన్మయి, సంగీత దర్శకుడు హేషమ్ అబ్దుల్ వాహబ్ పాడి ఆకట్టుకున్నారు. ఇల్యుజయినిస్ట్, మెంటలిస్ట్ సుమిత్ ఖర్బందా ప్రేక్షకులు మనసులోని మాటలన్నీ ట్యాబ్ పై రాసి సర్ ప్రైజ్ చేశారు.
‘ఖుషి’ టైటిల్ సాంగ్ లో విజయ్ దేవరకొండ, సమంత లైవ్ పర్ ఫార్మెన్స్ ఈ మ్యూజిక్ కన్సర్ట్ కు హైలైట్ గా నిలించింది. సినిమా కోసం సమంత, దర్శకుడు శివ నిర్వాణ పడిన కష్టానికి ‘ఖుషి’ సూపర్ హిట్ అవ్వాలని ఈ సందర్భంగా హీరో విజయ్ దేవరకొండ కోరుకున్నారు. ఇక తన సక్సెస్ ఫెయిల్యూర్స్ లో అండగా నిలిచిన అభిమానుల కోసం ఈ సినిమా ఘన విజయం సాధించాలని, ఫ్యాన్స్ మొహంలో సంతోషాన్ని చూడాలని విజయ్ కోరుకున్నారు.
అభిమానుల కోసం తాను హెల్దీగా వస్తానని, ఓ బ్లాక్ బస్టర్ ఇస్తానని సమంత చెప్పింది. ‘ఖుషి’ రెండున్నర గంటల పాటు మీ మనసుకు హత్తుకునే సినిమా అని దర్శకుడు శివ నిర్వాణ చెప్పారు. మైత్రీ మూవీ మేకర్స్ బ్యానర్ పై నవీన్ యెర్నేని, వై రవిశంకర్ నిర్మాణంలో దర్శకుడు శివ నిర్వాణ తెరకెక్కించిన ‘ఖుషి’ పాన్ ఇండియా స్థాయిలో సెప్టెంబర్ 1న రిలీజ్ కు రెడీ అవుతోంది.
