నేషనల్ వైడ్ బాక్సాఫీస్ వద్ద సునామీ లాంటి కలెక్షన్ రాబట్టుతోంది సన్నీ డియోల్ హీరోగా నటించిన గదర్ 2 సినిమా. ఫ్యామిలీ యాక్షన్ డ్రామాకు దేశభక్తి అంశాలను కలిపి తెరకెక్కించిన ఈ సినిమా డే వన్ నుంచి సూపర్ హిట్ టాక్ తెచ్చుకుంది. నిన్న ఆగస్టు 15 ఇండిపెండెన్స్ డే సందర్భంగా దేశవ్యాప్తంగా దాదాపు 55 కోట్ల రూపాయల వసూళ్లు అందుకుంది. ఇటీవల కాలంలో ఒక్కరోజులో ఇంత భారీ వసూళ్లు రికార్డ్ గా చెబుతున్నారు ట్రేడ్ పండితులు
శుక్రవారం ప్రేక్షకుల ముందుకొచ్చిన ఈ సినిమా ఇప్పటిదాకా మొత్తం 228 కోట్ల రూపాయల వసూళ్లు దక్కించుకుంది. ఇటీవల షారుఖ్ పఠాన్ సినిమాతో కొన్ని చోట్ల క్రియేట్ చేసిన బాక్సాఫీస్ రికార్డులు కూడా ఈ సినిమా తుడిచేస్తోంది. మరోవైపు అక్షయ్ కుమార్ ఓ మై గాడ్ 2 సినిమా సూపర్ హిట్టయ్యినా గదర్ 2 ఇంత భారీ కలెక్షన్స్ రాబట్టడంతో ఇదొక రియల్ సూపర్ హిట్ మూవీ అనే పేరు వస్తోంది.
పాకిస్థాన్ సైన్యం నుంచి తన కొడుకును విడిపించుకునేందుకు ఓ తండ్రి ఎలాంటి పోరాటం చేశాడు అనేది గదర్ 2లో కమర్షయిల్ అంశాలతో చూపించారు. అమీషా పటేల్ హీరోయిన్ గా నటించిన ఈ చిత్రాన్ని దర్శకుడు అనిల్ శర్మ రూపొందించారు. 2001లో వచ్చిన గదర్ ఏక్ ప్రేమ కథ సినిమాకు సీక్వెల్ గా రూపొందిందీ సినిమా.
