పాన్ ఇండియా స్టార్ ప్రభాస్ నటిస్తున్న మరో క్రేజీ ప్రాజెక్ట్ సలార్. ఈ సినిమాను హోంబలే ఫిలింస్ బ్యానర్ పై దర్శకుడు ప్రశాంత్ నీల్ రూపొందిస్తున్నారు. శృతి హాసన్ హీరోయిన్ గా నటిస్తోంది. రెండు భాగాల ఈ సినిమాలో ఫస్ట్ పార్ట్ సలార్, పార్ట్ 1 సీజ్ ఫైర్ సెప్టెంబర్ 28న రిలీజ్ కు రెడీ అవుతోంది. ప్రస్తుతం సినిమా బ్యాలెన్స్ షూటింగ్ కు సిద్ధమవుతున్నారు ప్రభాస్.
లేటెస్ట్ అప్ డేట్ ప్రకారం సలార్ కోసం ఇంకా మూడు రోజులు ప్రభాస్ షూటింగ్ చేయాల్సిఉందట. ఈ మూడు రోజుల షూటింగ్ తో ప్రభాస్ తన పార్ట్ కంప్లీట్ చేస్తారు. పోస్ట్ ప్రొడక్షన్ కూడా సమాంతరంగా జరుగుతోంది కాబట్టి అనుకున్న డేట్ కే సలార్ ను రిలీజ్ చేయబోతున్నారు. ఇక ఈ సినిమాలో మొత్తం ఏడు ఫెంటాస్టిక్ ఫైట్స్ ఉంటాయని తెలుస్తోంది. వీటిలో ఒక ఫైట్ ఇంకా స్పెషల్ గా డిజైన్ చేశారని టాక్ వినిపిస్తోంది.
సలార్ రిలీజ్ డేట్ దగ్గరపడుతుండటంతో అభిమానులు ఈ సినిమా నుంచి అప్ డేట్స్ కోసం వేచిచూస్తున్నారు. త్వరలో సలార్ ఫస్ట్ సింగిల్ రిలీజ్ చేయబోతున్నారు. అలాగే ఈ నెలాఖరుకు ట్రైలర్ ను కూడా ప్రేక్షకుల ముందుకు తీసుకొస్తారని తెలుస్తోంది.
