మెగాస్టార్ చిరంజీవి భోళాశంకర్ అంటూ వచ్చాడు కానీ.. భారీ ఫ్లాప్ అందుకున్నాడు. చిరు నెక్ట్స్ ఏంటి..? అనేది ఆసక్తిగా మారింది. కళ్యాణ్ కృష్ణతో సినిమా అంటూ గత కొంతకాలంగా వార్తలు వస్తున్నాయి. చిరు బర్త్ డేకు ప్రకటిస్తారని టాక్. అలాగే బింబిసార డైరెక్టర్ మల్లిడి వశిష్ట్ తో కూడా సినిమా చేయాలి అనుకున్నారు. ఈ సినిమాను నవంబర్ లో ప్రకటిస్తారని ప్రచారం జరుగుతుంది. ఇప్పుడు ఈ ఇద్దరు కాకుండా డైనమిక్ డైరెక్టర్ వి.వి.వినాయక్ తో సినిమా చేయనున్నారని టాలీవుడ్ ఇన్ సైడ్ న్యూస్. చిరు రీ ఎంట్రీ మూవీ వినాయక్ తోనే చేశారు.
అదే ఖైదీ నెంబర్ 150. ఆతర్వాత గాడ్ ఫాదర్ మూవీని కూడా వినాయక్ తో చేయాలి అనుకున్నారు కానీ.. కుదరలేదు. ఇప్పుడు భోళాశంకర్ ఫ్లాప్ అవ్వడంతో ఆలోచనలో పడ్డ చిరు వినాయక్ తో మూవీ చేయాలని ఫిక్స్ అయ్యారట. చిరు, వినాయక్ కాంబో మూవీని సూపర్ గుడ్ ఫిల్మ్స్ బ్యానర్ పై ఆర్.బి. చౌదరి నిర్మించనున్నారని తెలిసింది. గత కొంతకాలంగా వినాయక్ చిరు కోసం కథ పై కసరత్తు చేస్తూనే ఉన్నారు. మరి.. ఈసారైనా వినాయక్ కథకు మెగాస్టార్ గ్రీన్ సిగ్నల్ ఇస్తారా లేదో చూడాలి. అయితే.. క్లారిటీ రావాలంటే మాత్రం కొన్ని రోజులు ఆగాల్సిందే.
