విక్టరీ వెంకటేష్ నటిస్తున్న 75వ సినిమా సైంధవ్ జెడ్ స్పీడ్ తో షూటింగ్ జరుపుకుంటోంది. ఈ చిత్రాన్ని నీహారికా ఎంటర్ టైన్ మెంట్స్ బ్యానర్ పై దర్శకుడు శైలేష్ కొలను రూపొందిస్తున్నారు. నవాజుద్దీన్ సిద్ధిక్, శ్రద్ధా శ్రీనాథ్, రుహాని శర్మ, ఆండ్రియా జెర్మియా ఇతర కీలక పాత్రల్లో నటిస్తున్నారు.
యాక్షన్ ఎంటర్ టైనర్ గా రూపొందుతున్న సైంధవ్ క్లైమాక్స్ ను పూర్తి చేసినట్లు మేకర్స్ ఇవాళ ప్రకటించారు. దాదాపు 16 రోజుల పాటు ఈ పతాక సన్నివేశాలను చిత్రీకరించారు. రామ్ లక్ష్మణ్ మాస్టర్స్ ఈ యాక్షన్ సీక్వెన్సులు డిజైన్ చేశారు. వెంకటేష్ కెరీర్ లోనే ది బెస్ట్ క్లైమాక్స్ అవుతుందని వారంటున్నారు. డిసెంబర్ 22న సైంధవ్ పాన్ ఇండియా స్థాయిలో హిందీతో పాటు తెలుగు, తమిళం, కన్నడ, మలయాళంలో రిలీజ్ కాబోతోంది.
