బాలీవుడ్ యంగ్ హీరో కార్తీక్ ఆర్యన్ మరో ప్రెస్టీజియస్ అవార్డ్ దక్కించుకున్నారు. ఆస్ట్రేలియాలో జరుగుతున్న ఇండియన్ ఫిల్మ్ ఫెస్టివల్ ఆఫ్ మెల్ బోర్న్ (ఐఎఫ్ఎఫ్ఎం)లో రైజింగ్ గ్లోబల్ సూపర్ స్టార్ అవార్డ్ అందించారు. పలువురు బాలీవుడ్ ప్రముఖులు పాల్గొన్న ఈ కార్యక్రమం మెల్ బోర్న్ లో ఘనంగా జరిగింది.
ఇటీవల వరుస సక్సెస్ అందుకుంటున్నారీ హీరో. ఆయన నటించిన భూల్ భులయ్యా 2, సత్య ప్రేమ్ కి కథ సినిమాలు సూపర్ హిట్టయ్యాయి. దీంతో కార్తీక్ ఆర్యన్ క్రేజీ హీరోగా మారారు. ఈ క్రమంలో ఆడియెన్స్ రివార్డులతో ఇంటర్నేషనల్ అవార్డ్స్ దక్కుతున్నాయి. ప్రస్తుతం ఈ యంగ్ హీరో చందూ చాంపియన్ అనే సినిమాలో నటిస్తున్నారు. స్పోర్ట్స్ డ్రామా కథతో దర్శకుడు కబీర్ ఖాన్ ఈ సినిమాను రూపొందిస్తున్నారు.
