మాటల మాంత్రికుడు త్రివిక్రమ్ శ్రీనివాస్.. ఓ వైపు రైటర్ గా, మరో వైపు డైరెక్టర్ గా ఇలా రెండు చేతులా బాగా సంపాదిస్తున్న స్టార్ రైటర్ టర్నడ్ డైరెక్టర్. ఈ రెండే కాకుండా ప్రాజెక్టులు సెట్ చేస్తూ కూడా బాగా బిజీ అయ్యారు. ఎంతలా అంటే.. సూపర్ స్టార్ మహేష్ బాబుతో సినిమా చేస్తున్నప్పటికీ.. ఈ సినిమా గురించి ఆలోచించడానికి కూడా టైమ్ లేనంత. అవును.. పవర్ స్టార్ పవన్ కళ్యాణ్ నటించిన బ్రో చిత్రాన్ని సెట్ చేసి.. దీనికి స్ర్కీన్ ప్లే – డైలాగ్స్ అందించారు. ఇలా చేసినందుకు గాను బాగానే పైకం అందింది.
అయితే.. పవర్ స్టార్ సినిమా బిజీలో పడి.. సూపర్ స్టార్ సినిమా గుంటూరు కారంను పట్టించుకోవడం లేదని ఫ్యాన్స్ ఫైర్ అవుతున్నారు. ఈ సినిమా స్టార్ట్ చేసినప్పటి నుంచి అడ్డంకులు వస్తునే ఉన్నాయి. త్రివిక్రమ్ తీసిన కొన్ని సీన్స్ ఆయనకే నచ్చక పక్కనపెట్టేశారట. ఈ వార్త బయటకు వచ్చినప్పటి నుంచి త్రివిక్రమ్ సారు.. మా సూపర్ స్టార్ సినిమా పై కాస్త దృష్టి పెట్టండి సారూ.. అంటూ సోషల్ మీడియాలో కామెంట్లు వస్తున్నాయి. ఇప్పుడు మహేష్ బర్త్ డే ను విదేశాల్లో జరుపుకుని తిరిగి హైదరాబాద్ వచ్చారు. ఇక నుంచి ఎలాంటి గ్యాప్ లేకుండా గుంటూరు కారం కంప్లీట్ చేయాలి అనుకుంటున్నారు. మరి.. అంతా అనుకున్నట్టు జరుగుతాదో.. మళ్లీ అడ్డంకులు వస్తాయో చూడాలి.
