సూపర్ స్టార్ మహేశ్ బాబు, స్టార్ డైరెక్టర్ రాజమౌళి కలిసి చేస్తున్న సినిమా ఎస్ఎస్ఎంబీ 29. ఈ ప్రెస్టీజియస్ మూవీలో మలయాళ స్టార్ హీరో పృథ్వీరాజ్ సుకుమారన్ ఓ కీ రోల్ చేస్తున్నట్లు తెలుస్తోంది. ఇటీవల ఈ విషయంపై మీడియా పృథ్వీరాజ్ సుకుమారన్ ను అడగగా…ఆయన ఆ వార్తను రూమర్ గా తేల్చకుండా చర్చలు జరుగుతున్నాయి అని అన్నారు. ఆయన రిప్లైను బట్టి ఎస్ఎస్ఎంబీ 29లో పృథ్వీరాజ్ భాగమవుతున్నారని అనుకోవచ్చు. తప్పని పరిస్థితుల్లో మినహా ఎస్ఎస్ఎంబీ 29 లాంటి ప్రాజెక్ట్ ను ఏ హీరో వదులుకోడు.
పృథ్వీరాజ్ సుకుమారన్ కూడా ఎస్ఎస్ఎంబీ 29 మూవీలో నటించాలనే ప్లాన్ చేస్తున్నాడట. ఇక ఆయన సలార్ లో ప్రభాస్ తో కలిసి నటించారు. ఇప్పుడు సలార్ 2 కూడా చేయబోతున్నాడు. ఎన్టీఆర్ ప్రశాంత్ నీల్ కాంబో మూవీ పూర్తయ్యాక సలార్ 2 ఉంటుందనే న్యూస్ కూడా షేర్ చేశారు పృథ్వీరాజ్ సుకుమారన్. ఇటీవలే ఎస్ఎస్ఎంబీ 29 మూవీ అఫీషియల్ గా లాంఛ్ అయ్యింది.
