పవర్ స్టార్ పవన్ కళ్యాణ్ హీరోగా కోలీవుడ్ డైరెక్టర్ విష్ణు వర్ధన్ తెరకెక్కించిన మూవీ పంజా. అప్పట్లో భారీ అంచనాలతో ప్రేక్షకుల ముందుకు వచ్చింది. ఈ సినిమా ఫెయిల్ అయ్యింది కానీ.. ఇందులో పవన్ క్యారెక్టర్ జనాలకు నచ్చింది. అయితే.. పంజా తీసిన డైరెక్టర్ విష్ణువర్ధన్ అకిరా గురించి మాట్లాడడం ఆసక్తిగా మారింది. పంజా తర్వాత తెలుగులో వేరే ఆఫర్స్ వచ్చినప్పటికీ చేయలేదు. ఇప్పుడు తప్పకుండా తెలుగులో సినిమా చేస్తానంటున్నాడు. అకిరాతో సినిమా చేసే ఛాన్స్ వస్తే.. పంజా 2 తీస్తానంటున్నాడు. అయితే.. అది ప్లాన్ చేస్తే అవ్వదు జరగాలి అంతే అంటున్నాడు.
పవన్ కళ్యాణ్ తో కూడా పంజా సినిమా ప్లాన్ చేయలేదట. అలా జరిగింది అంతే అని చెప్పాడు. ఆ సినిమా టైమ్ లో పవన్ కళ్యాణ్ ను దగ్గర నుంచి గమనించే ఛాన్స్ దొరికొందని .. ఆయన ఏదైనా సూటిగా ఉన్నది ఉన్నట్టు చెప్పేవాళ్లంటే ఇష్టమని.. అలాగే చిన్నపిల్లాడి మనస్తత్వమని చెప్పాడు. అకిరాను చిన్నప్పుడు చూశాను. ఇప్పుడు బాగున్నాడు. పంజా 2 తీస్తే కరెక్ట్ సెటవుతుందని చెప్పడం ఆసక్తిగా మారింది. ఆమధ్య ఎస్.జె.సూర్య కూడా అకిరాతో ఖుషీ 2 తీస్తానన్నాడు. ఇప్పుడు విష్ణువర్థన్ పంజా 2 తీస్తానంటున్నాడు. మరి.. అకిరాతో ముందుగా ఖుషీ 2 తీస్తారో..? పంజా 2 తీస్తారో.. చూడాలి.
