గ్లోబల్ స్టార్ రామ్ చరణ్ నటించిన మూవీ గేమ్ ఛేంజర్. డైరెక్టర్ శంకర్ ఈ మూవీని తెరకెక్కించారు. సంక్రాంతికి భారీ అంచనాలతో ప్రేక్షకుల ముందుకు వచ్చింది. అయితే.. ఏమాత్రం మెప్పించలేకపోయింది. బాక్సాఫీస్ దగ్గర బోల్తాపడింది. ఈ మూవీకి ఫస్ట్ డే 186 కోట్లు వచ్చాయని ప్రకటించారు ఆతర్వాత కలెక్షన్స్ గురించి ఎలాంటి పోస్టర్ రిలీజ్ చేయలేదు. దీనిని బట్టి అర్ధం చేసుకోవచ్చు గేమ్ ఛేంజర్ ఎంతలా నిరాశపరిచిందో. అయితే.. ఇటీవల మీడియా ముందుకు వచ్చిన దిల్ రాజు గేమ్ ఛేంజర్ కలెక్షన్స్ గురించి మాట్లాడడానికి ఇష్టపడలేదు. తెలివిగా గేమ్ ఛేంజర్ కలెక్షన్స్ విషయాన్ని దాటవేశారు.
అయితే.. అంజలి విశాల్ తో నటించిన మదగజరాజా మూవీ ప్రమోషన్స్ కోసం మీడియా ముందుకు వచ్చింది. ఈ సమావేశంలో గేమ్ ఛేంజర్ రిజెల్ట్ గురించి అడిగిన ప్రశ్నకు తెలివిగానే సమాధానం చెప్పింది. ఏం చెప్పిందంటే.. గేమ్ ఛేంజర్ మూవీ మంచి సినిమా కానీ ఆడలేదు. దానికి చాలా కార‌ణాలు ఉన్నాయ‌ని, అవ‌న్నీ చెప్పాలంటే స‌మ‌యం స‌రిపోద‌ని చెప్పింది. అంటే.. ఈ సినిమా ఫ్లాప్‌ పై త‌న‌దైన విశ్లేష‌ణ అంజలి దగ్గర ఉంద‌న్న‌మాట. దాన్ని ఎప్పుడు బ‌య‌ట‌పెడుతుందో మ‌రి. ఈ సినిమాను చాలా ఇష్ట‌ప‌డి చేశానని.. ఓ సినిమా చేయ‌డం వ‌ర‌కే నా బాధ్య‌త. ఫ‌లితం నా చేతుల్లో ఉండ‌దు. కాక‌పోతే మంచి సినిమా చేశావ్‌, నీ క్యారెక్ట‌ర్ బాగుంది అని చాలా మంది నాకు చెప్పారు. ఆ మాట‌లు సంతృప్తినిచ్చాయని చెప్పింది అంజలి.
