నాని ప్రొడ్యూస్ చేసిన హిట్, హిట్ 2 సినిమాలు బ్లాక్ బస్టర్ సక్సెస్ సాధించిన విషయం తెలిసిందే. దీంతో నాని హీరోగా నటిస్తున్న హిట్ 3 పై క్రేజ్ ఏర్పడింది. ఈ మూవీ షూటింగ్ స్టార్ కాకుండానే.. మే 1న రిలీజ్ అని అనౌన్స్ చేశారు. అనౌన్స్ మెంట్ వీడియోతోనే.. ఆడియన్స్ లో ఇంట్రెస్ట్ క్రియేట్ చేశాడు నాని. ఈ సినిమాలో హింస ఎక్కువుగా ఉంటుందని.. చిన్న పిల్లలు ఈ సినిమాను చూడొద్దని స్వయంగా ఈ మూవీ హీరో నానినే ఓ ఇంటర్ వ్యూలో చెప్పడంతో అంతలా హిట్ 3 లో ఏముంటుంది అనేది ఆసక్తిగా మారింది. హిట్ 3 తర్వాత చేసే సినిమా ప్యార్ డైజ్. ఈ మూవీ సెట్స్ పైకి వచ్చేది ఎప్పుడు..?
ప్రస్తుతం నాని హిట్ 3 మూవీ చేస్తున్నాడు. పక్కా ప్లాన్ ప్రకారం షూటింగ్ జరుపుకుంటున్న ఈ మూవీ ఏప్రిల్ కి కంప్లీట్ అవుతుంది. మే 1న రిలీజ్ అవుతుంది. ఆతర్వాత నుంచి ప్యారడైజ్ షూటింగ్ స్టార్ట్ చేయనున్నారని సమాచారం. నానిని శ్రీకాంత్ ఓదెల ఎవరూ చూపించని విధంగా మాస్ గా దసరా మూవీలో చూపించాడు. ఆ సినిమా విశేషంగా ఆకట్టుకుంది. నానిని 100 కోట్ల క్లబ్ లో చేర్చింది. దీంతో ప్యార డైజ్ మూవీలో నానిని ఈసారి ఎలా చూపించనున్నాడు అనేది హాట్ టాపిక్ అయ్యింది. ఈ మూవీ కోసం సికింద్రాబాద్లో ప్రత్యేకంగా ఓ సెట్ వేశారు. అందులో కీలక సన్నివేశాలను చిత్రీకరించనున్నారు. షూటింగ్ ఎప్పుడు స్టార్ట్ కానుంది అనేది త్వరలోనే ప్రకటిస్తారని సమాచారం.
