బాలీవుడ్ లో డాన్ సినిమాలది బ్లాక్ బస్టర్ హిస్టరీ. 70ల్లో అమితాబ్ డాన్ గా సూపర్ హిట్ అందుకుంటే..ఆ తర్వాత షారుఖ్ ఖాన్ డాన్ గా మెరిశారు. ఈ కథతో రెండు సినిమాల్లో నటించారు. ఈ రెండు చిత్రాలను దర్శకుడు ఫర్హాన్ అక్తర్ రూపొందించారు. 2006లో డాన్, 2011 లో డాన్ 2 సినిమాలు తెరకెక్కి ఘన విజయాలు సాధించాయి. ఈ రెండు చిత్రాల్లో హీరోయిన్ గా ప్రియాంక చోప్రా నటించింది. డాన్ 3 అనౌన్స్ మెంట్ కోసం ఫిల్మ్ లవర్స్ చాలా కాలంగా ఎదురుచూస్తున్నారు.
ఇక అభిమానులు కోరుకున్నట్లే డాన్ 3 ప్రకటన వచ్చేసింది. కొత్త డాన్ గా రణవీర్ సింగ్ కనిపించబోతున్నారు. ఈ సినిమాను రితేష్ సిద్వానీ ఎక్సెల్ ఎంటర్ టైన్ మెంట్స్ బ్యానర్ పై తెరకెక్కిస్తున్నారు. ఫర్హాన్ అక్తర్ దర్శకత్వం వహించనున్న ఈ సినిమాను 2025లో విడుదల చేస్తామని ఈ మూవీ టీమ్ ప్రకటించింది. డాన్ లెగసీని ఈ కొత్త సినిమాతో ముందుకు తీసుకెళ్తాని ప్రకటించారు.
