భారీ పాన్ ఇండియా ప్రాజెక్ట్ గేమ్ చేంజర్ ఫినిష్ చేసేందుకు రేపటి నుంచి రంగంలోకి దిగుతున్నారు రామ్ చరణ్. రేపటి నుంచి ఈ సినిమా కొత్త షెడ్యూల్ ప్రారంభం కాబోతోంది. దాదాపు నెల రోజుల పాటు ఈ భారీ షెడ్యూల్ కొనసాగనుందని సమాచారం. ఈ షెడ్యూల్ లో కీలక సీన్స్ చిత్రీకరిస్తారట. చరణ్ తో పాటు ఇతర లీడ్ యాక్టర్స్ ఇందులో పాల్గొంటారని తెలుస్తోంది. ఈ కొత్త షెడ్యూల్ తో గేమ్ చేంజర్ దాదాపు పూర్తవుతుందని అంటున్నారు.
శ్రీ వెంకటేశ్వర క్రియేషన్స్ పతాకంపై నిర్మాత దిల్ రాజు ఈ సినిమాను నిర్మిస్తుండగా…ప్రముఖ దర్శకుడు శంకర్ పాన్ ఇండియా మూవీగా రూపొందిస్తున్నారు. కియారా అద్వానీ నాయికగా నటిస్తోంది. థమన్ సంగీతాన్ని అందిస్తున్న ఈ చిత్ర పాటలకు భారీ బడ్జెట్ తో చిత్రీకరించబోతున్నారు. వచ్చే ఏడాది ఈ సినిమా రిలీజ్ కు రెడీ అవుతోంది.
