మెగాస్టార్ చిరంజీవి నటించిన తాజా చిత్రం భోళాశంకర్. ఈ చిత్రానికి మెహర్ రమేష్‌ డైరెక్టర్. ఈ సినిమా వేదాళం చిత్రానికి రీమేక్ కావడంతో ఆశించిన స్థాయిలో బజ్ లేదనేది వాస్తవం. సాంగ్స్, టీజర్ అండ్ ట్రైలర్ తో ఆకట్టుకునే ప్రయత్నం చేశారు కానీ.. ఆశించిన స్థాయిలో రెస్పాన్స్ రావడం లేదు. ఈ సినిమా ఆగష్టు 11న విడుదల కానుంది. మరో వైపు సూపర్ స్టార్ రజినీకాంత్ జైలర్ సినిమా ఆగష్టు 10న విడుదల కానుంది. ఈ చిత్రానికి నెల్సన్ దిలీప్ కుమార్ డైరెక్టర్. ఈ మూవీ ట్రైలర్ కు అనూహ్య స్పందన వచ్చింది. మరో వైపు తమన్నా సాంగ్ సోషల్ మీడియాను షేక్ చేసింది.
ఇక అసలు విషయానికి వస్తే.. అడ్వాన్స్ బుకింగ్స్ ఓపెన్ చేస్తే.. ఓవర్ సీస్ లో భోళాశంకర్ కంటే జైలర్ మూవీకే రెస్పాన్స్ బాగుంది. అడ్వాన్స్ బుకింగ్ లో జైలర్ కు 5 లక్షల డాలర్లు అంటే ఆఫ్ మిలియన్ రాగా, భోళాశంకర్ చాలా స్లోగా కేవలం 1 లక్ష డాలర్లు మాత్రమే దాటిందని వార్తలు వస్తున్నాయి. బాక్సాఫీస్ దగ్గర చిరు, రజినీ పోటీపడుతుండడం అటు కోలీవుడ్, ఇటు టాలీవుడ్ లో ఆసక్తిగా మారింది. ఈమధ్య కాలంలో రజినీ సినిమాలు అంతగా ఆడడం లేదు. దీనికి పై అభిమానులు చాలా నమ్మకం పెట్టుకున్నారు. మరి.. చిరు, రజినీ ఇద్దరిలో ఎవరు విజేతగా నిలుస్తారో చూడాలి.
