సౌత్ స్టార్ ఎన్టీఆర్, నార్త్ స్టార్ హృతిక్ రోషన్ కలిసి నటిస్తోన్న క్రేజీ మల్టీస్టారర్ వార్ 2. ఈ మూవీకి అయాన్ ముఖర్జీ డైరెక్టర్. ఈ సినిమా సెలైంట్ గా షూటింగ్ జరుపుకుంటుంది కానీ.. ఇంత వరకు అప్ డేట్ లేదు. దేవర సినిమాతో బాక్సాఫీస్ వద్ద బ్లాక్ బస్టర్ సాధించిన ఎన్టీఆర్ ప్రస్తుతం వార్ 2 షూట్ లో బిజీగా ఉన్నాడు. దేవర సినిమా విడుదల కాక ముందే వార్ 2 షూటింగ్ ప్రారంభం అయ్యింది. భారీ యాక్షన్‌ సన్నివేశాలు ఉన్న కారణంగా వార్ 2 సినిమాకు ఎక్కువ సమయం పడుతుందని యూనిట్‌ సభ్యులు చెబుతున్నారు. గత కొన్ని రోజులుగా వార్ 2 సినిమా కోసం ఎన్టీఆర్ ముంబైలోనే ఉన్నారు అంటూ ఆయన సన్నిహితుల ద్వారా సమాచారం అందుతోంది. ఇటీవల భారీ యాక్షన్‌ సన్నివేశాల చిత్రీకరణ జరిపిన యూనిట్‌ సభ్యులు వచ్చే వారం నుంచి ముంబైలోనే వేసిన ప్రత్యేక సెట్‌లో హీరో హృతిక్ రోషన్ పై సోలో సాంగ్‌ చిత్రీకరించబోతున్నారు. ఆ పాట చిత్రీకరణ తర్వాత ఎన్టీఆర్‌పై కీలక యాక్షన్‌ సన్నివేశాలను చిత్రీకరించనున్నారు.
ఎన్టీఆర్ మరో రెండు వారాల పాటు వార్ 2 సినిమా కోసం ముంబైలో షూటింగ్‌లో పాల్గొంటాడు అంటూ బాలీవుడ్‌ వర్గాల ద్వారా సమాచారం అందుతోంది. వార్ 2 సినిమాను బాక్సాఫీస్ వద్ద భారీ ఎత్తున విడుదల చేసే విధంగా ప్లాన్‌ చేస్తున్నారు. ఇప్పటికే వార్ 2 సినిమాను 2025 ఆగస్టు 14న విడుదల చేయబోతున్నట్లుగా అధికారికంగా ప్రకటన వచ్చింది. ఇప్పటికే ఆలస్యం అయిన వార్ 2ను ఎట్టిపరిస్థితుల్లో వాయిదా వేయకుండా అనుకున్న తేదీకి విడుదల చేయాలని అయాన్ ముఖర్జీ భావిస్తున్నాడు. భారీ ఎత్తున సినిమాను యశ్‌ రాజ్ ఫిల్మ్స్ వారు ఈ క్రేజీ మూవీని నిర్మిస్తున్నారు. బ్రహ్మాస్త్ర వంటి భారీ సినిమాతో ప్రేక్షకుల ముందుకు వచ్చిన అయాన్ ముఖర్జీ మరోసారి వార్ 2 తో భారీ విజయాన్ని సొంతం చేసుకోవడం ఖాయం అంటూ బాలీవుడ్‌ వర్గాల వారు ప్రేక్షకులు నమ్మకంగా ఉన్నారు. బాక్సాఫీస్ వద్ద భారీ యాక్షన్‌ సినిమాగా ఈ సినిమా నిలుస్తుందని అంటున్నారు. మరి.. వార్ 2 మూవీతో ఎన్టీఆర్, హృతిక్ కలిసి ఎలాంటి రికార్డ్ సెట్ చేస్తారో చూడాలి.
