కల్యాణ్ రామ్ హీరోగా నటిస్తున్న పీరియాడిక్ స్పై డ్రామా డెవిల్ రిలీజ్ డేట్ ను అనౌన్స్ చేశారు. నవంబర్ 24న ఈ సినిమాను విడుదల చేస్తున్నట్లు చిత్ర నిర్మాతలు వెల్లడించారు. దర్శకుడు నవీన్ మేడారం ఈ సినిమాను తెరకెక్కిస్తున్నారు. సంయుక్త మీనన్ హీరోయిన్ గా నటిస్తోంది. అభిషేక్ పిక్చర్స్ సంస్థ నిర్మిస్తోంది. ఇటీవలే ఈ సినిమా నుంచి విడుదల చేసిన టీజర్ కు మంచి రెస్పాన్స్ వచ్చింది.
ప్రీ ఇండిపెండెన్స్ కాలంలో జరిగే కథతో ఈ సినిమాను తెరకెక్కించారు దర్శకుడు నవీన్ మేడారం. ఆ కాలంలో బ్రిటీష్ ఏజెంట్ గా కల్యాణ్ రామ్ క్యారెక్టర్ ఉండనుంది. అతన్ని అందరూ డెవిల్ అని పిలుస్తుంటారు. స్పై యాక్షన్ డ్రామాగా డెవిల్ రూపొందించారు. బింబిసార తర్వాత కల్యాణ్ రామ్ కెరీర్ లో డెవిల్ మరో భారీ సినిమాగా తెరపైకి రాబోతోంది.
