మెగా హీరో వరుణ్ తేజ్ మట్కా మూవీతో ప్రేక్షకుల ముందుకు వచ్చాడు. ఇక నేచురల్ స్టార్ నాని వరుసగా సినిమాలు చేస్తూ ఫుల్ బిజీగా ఉన్నాడు. అయితే.. వరుణ్, నాని.. ఈ ఇద్దరితో సినిమాలు చేయాలి అనుకుంటున్నాడు పవర్ స్టార్ డైరెక్టర్. ఇంతకీ.. పవర్ స్టార్ డైరెక్టర్ ఎవరు..? వరుణ్, నాని ఇద్దరిలో ముందుగా ఎవరితో మూవీ చేయనున్నాడు..? తెలుసుకోవాలి అనుకుంటున్నారా… అయితే ఈ స్టోరీ చూడాల్సిందే.
వరుణ్, నాని.. ఈ ఇద్దరితో సినిమా చేయాలి అనుకుంటున్న డైరెక్టర్ ఎవరో కాదు.. సుజిత్. ప్రస్తుతం సుజిత్.. పవర్ స్టార్ పవన్ కళ్యాణ్ తో ఓజీ మూవీ చేస్తున్న విషయం తెలిసిందే. ఈ మూవీ గ్లింప్స్ కు ట్రెమండస్ రెస్పాన్స్ రావడంతో ఎప్పుడెప్పుడు ఓజీ మూవీ వస్తుందా అని పవర్ స్టార్ ఫ్యాన్స్ ఈగర్ గా వెయిట్ చేస్తున్నారు. ఆమధ్య నానితో సుజిత్ మూవీ అంటూ ప్రచారం జరిగింది. నాని కూడా సుజిత్ తో సినిమా చేస్తానని గతంలో చెప్పాడు. ఓజీ కోసం పవన్ పై చిత్రీకరించాల్సిన షూట్ బ్యాలెన్స్ ఉండడం.. పవన్ ఎప్పుడు డేట్స్ ఇస్తాడో…? ఎప్పుడు ఓజీ కంప్లీట్ అవుతుందో..? క్లారిటీ లేకపోవడంతో ఈ గ్యాప్ లో నానితో ఫాస్ట్ గా ఓ మూవీ చేయాలి అనుకున్నారు కానీ.. ఓజీ కంప్లీట్ అయ్యే వరకు మరో సినిమా చేయకూడదని ఫిక్స్ అయ్యాడట సుజిత్.
ప్రస్తుతం సుజిత్ ఫోకస్ అంతా ఓజీ మూవీ పైనే ఉంది. వీరమల్లు మూవీని మార్చి నెలాఖరున రిలీజ్ చేయనున్నారు. ఈ సినిమా తర్వాత ఓజీ రిలీజ్ చేయాలి అనేది పవర్ స్టార్ ప్లాన్. ఇదిలా ఉంటే.. వరుణ్ తేజ్ ఇటీవల ఇచ్చిన ఇంటర్ వ్యూలో సుజిత్ తో సినిమా చేయాలని వుందని చెప్పాడు. ఆల్రెడీ స్టోరీ చెప్పాడని.. స్టోరీ వర్క్ జరుగుతోందన్నాడు. దీంతో ఓజీ తర్వాత సుజిత్ సినిమా ఎవరితో.. నానితో ఉంటుందా..? వరుణ్ తో ఉంటుందా..? అనేది ఆసక్తిగా మారింది. అయితే.. నానితో సినిమాతో స్టార్ట్ చేయాలి అనుకుని ఆపేశారు కాబట్టి ముందుగా నానితోనే సుజిత్ సినిమా ఉంటుందని టాక్. ఆతర్వాత వరుణ్ తో సుజిత్ మూవీ ఉంటుంది అనేది ఇండస్ట్రీ ఇన్ సైడ్ న్యూస్.
