మెగాస్టార్ చిరంజీవి నటిస్తోన్న మూవీ విశ్వంభర. మల్లిడి వశిష్ట్ ఈ మూవీ డైరెక్టర్. ఈ మూవీని సంక్రాంతికి రిలీజ్ చేయాలి అనుకున్నారు కానీ.. కొన్ని కారణాల వలన సంక్రాంతి పోటీ నుంచి తప్పుకుంది. ఆతర్వాత నుంచి విశ్వంభరకు సంబంధించిన అప్ డేట్ బయటకు రాలేదు. ఇంతకీ.. విశ్వంభర అప్ డేట్ ఏంటి..? థియేటర్స్ లోకి వచ్చేది ఎప్పుడు..?
మెగాస్టార్ చిరంజీవి, మల్లిడి వశిష్ట్ కాంబోలో విశ్వంభర మూవీని ప్రముఖ నిర్మాణ సంస్థ యు.వీ క్రియేషన్స్ అత్యంత ప్రతిష్టాత్మకంగా నిర్మిస్తోంది. ఈ మూవీ నుంచి రిలీజ్ చేసిన టీజర్ కు ట్రెమండస్ రెస్పాన్స్ వచ్చింది. ఈ మూవీ ఎంత వరకు అయ్యింది అంటే.. రెండు పాటలు, కొంత టాకీ బ్యాలెన్స్ మినహా షూటింగ్ పూర్తయ్యిందని తెలిసింది. రెండు పాటల్లో ఒకటి ఐటం సాంగ్ కాగా, మరొకటి చిరు, త్రిషల పై చిత్రీకరించాల్సివుంది. ఇటీవల చిరుకు అనారోగ్య కారణంగా షూటింగ్ కు బ్రేక్ పడింది. ఇప్పుడు చిరు షూటింగ్ లో పాల్గొనేందుకు సిద్దంగా ఉండడంతో తాజా షెడ్యూల్ ప్లాన్ చేస్తున్నారని సమాచారం.
ఈ మూవీ తాజా షెడ్యూల్ ను జపాన్లో ప్లాన్ చేశారట మేకర్స్. ఈ షెడ్యూల్ లో కీలకమైన సీన్స్ తెరకెక్కించనున్నారని తెలిసింది. ఈ సీన్స్ సినిమాకి హైలెట్ గా ఉండబోతున్నాయని ప్రచారం జరుగుతోంది. ఫాంటసీ అడ్వెంచర్ మూవీగా రూపొందుతోన్న ఈ సినిమాలో త్రిష, ఆషికా రంగనాథ్ తదితరులు నటిస్తున్నారు. ఆస్కార్ అవార్డ్ విన్నర్ కీరవాణి సంగీతం అందిస్తున్నారు. సంక్రాంతి పోటీ నుంచి తప్పుకుంది మరి ఎప్పుడు థియేటర్స్ లోకి రానుంది అంటే.. మే 9న రిలీజ్ చేయడానికి ప్లాన్ చేస్తున్నారని టాక్ వినిపిస్తోంది. అయితే.. షూటింగ్ కంప్లీట్ చేసిన తర్వాత రిలీజ్ డేట్ పై క్లారిటీ ఇస్తారని సమాచారం.
