సుకుమార్.. కథ పై ఎంతో కసరత్తు చేస్తాడు. ఆయన ఒక్కడే కథ పై వర్క్ చేయడు.. ఆయన టీమ్ లోని రైటర్స్ తో కథ పై వర్క్ చేయించి అందులోంచి మంచి అవుట్ పుట్ తీసుకుంటారు. అందుకనే సుకుమార్ సినిమాలు అంతలా ఆకట్టుకుంటాయి. అయితే.. సుకుమార్ సలహాలు, సూచనలు కోసం ఓ హీరో సినిమాను ఆపేసారు ఓ నిర్మాత. ఇంతకీ.. ఆ హీరో, నిర్మాత ఎవరు..? మరి.. సుకుమార్ సలహాలు, సూచనలతో ఆ హీరోకి సక్సెస్ వచ్చేనా..?
సుకుమార్ కోసం సినిమానే ఆపేసిన ఆ యంగ్ హీరో ఆశిష్. రౌడీ బాయ్స్ సినిమాతో హీరోగా పరిచయమైన ఆశిష్ తొలి సినిమాతో నటడుగా ఆకట్టుకున్నాడు కానీ.. ఆశించినంతగా కమర్షియల్ సక్సెస్ సాధించలేదు. ఆతర్వాత రెండో సినిమాగా లవ్ మీ అంటూ ప్రేక్షకుల ముందుకు వచ్చాడు. ఈ సినిమా పై చాలా ఆశలు పెట్టుకున్నాడు కానీ.. ఏమాత్రం మెప్పించలేదు. ఇలా మొదటి రెండు సినిమాలు నిరాశపరచడంతో ఈసారి ఖచ్చితంగా సక్సెస్ సాధించాల్సిన పరిస్థితి. అయితే.. ఆశిష్ హీరోగా సెల్ఫీష్ అనే సినిమాను ఎప్పుడో ప్రారంభించారు. యాభై శాతం షూటింగ్ కూడా కంప్లీట్ అయ్యింది. ఓ పాటను కూడా రిలీజ్ చేశారు. లవ్ మీ ప్లాప్ అవ్వడంతో ప్రస్తుతానికి ఆ సినిమాను హోల్డ్ లో పెట్టారు.
సెల్ఫీష్ మూవీకి సుకుమార్ కూడా నిర్మాతగా వ్యవహరిస్తున్నారు. అయితే.. రౌడీ బాయ్స్, లవ్ మీ సినిమాలు ఫ్లాప్ అవ్వడం.. సెల్ఫీష్ మూవీ ఇప్పటి వరకు అయిన షూటింగ్ సంతృప్తికరంగా రాకపోవడంతో సుకుమార్ ను రంగంలోకి దింపాలని దిల్ రాజు ఫిక్స్ అయ్యారు. ఇదే విషయం సుకుమార్ కి చెబితే.. పుష్ప 2 బిజీలో ఉన్నాను. ఈ మూవీ రిలీజ్ తర్వాత సెల్ఫీష్ మూవీ కోసం వర్క్ చేస్తానని చెప్పారట. ఈ మూవీకి సుకుమార్ శిష్యుడు కాశీ డైరెక్టర్. ఒక రకంగా దిల్ రాజు సుకుమార్ పై పెద్ద బాధ్యతనే పెట్టారు. ఓ వైపు శిష్యుడు.. మరో వైపు దిల్ రాజు కోసం సుకుమార్ ఈ సినిమా కథ పై వర్క్ చేయడానికి ఓకే చెప్పారట. మరి.. సుకుమార్ అయినా ఆకాష్ కు సక్సెస్ అందిస్తారో లేదో చూడాలి.
