స్టార్ హీరో సూర్య ప్రెస్టీజియస్ మూవీ కంగువ మరో మూడు రోజుల్లో థియేటర్స్ లోకి గ్రాండ్ గా రాబోతోంది. తెలుగు రాష్ట్రాలతో పాటు యూఎస్ లోనూ ప్రీ బుకింగ్ సేల్స్ లో కంగువ జోరు చూపిస్తోంది. యూఎస్ బాక్సాఫీస్ వద్ద ఈ సినిమాకు 125కె డాలర్స్ ప్రీ టికెట్ సేల్స్ జరగగా..రేపటికి మరింతగా ఈ సేల్స్ పెరగనున్నాయి. తెలుగు స్టేట్స్ లో మల్టీప్లెక్స్, సింగిల్ స్క్రీన్ థియేటర్స్ లో అత్యధిక సంఖ్యలో కంగువ ప్రేక్షకుల ముందుకు రాబోతోంది.
భారీ పీరియాడిక్ యాక్షన్ మూవీగా కంగువను రూపొందించారు దర్శకుడు శివ. ఈ చిత్రంలో దిశా పటానీ నాయికగా నటిస్తుండగా, బాబీ డియోల్ విలన్ ఉధిరన్ గా కనిపించనున్నారు. స్పెక్టాక్యులర్ విజువల్ ఎక్సిపీరియన్స్ కోసం కంగువ 2డీతో పాటు త్రీడీలోనూ థియేటర్స్ లోకి రాబోతోంది.
