పెద్ద సంఖ్యలో చిన్న చిత్రాలను నిర్మించాలని డిసైడ్ అయ్యారు ప్రొడ్యూసర్ దిల్ రాజు. యంగ్ టాలెంటెడ్ టీమ్స్ తో ఈ సినిమాలు చేస్తామని ఆయన ప్రకటించారు. ఎవరైనా తమ స్క్రిప్ట్ తో వెబ్ సైట్ ద్వారా అప్రోచ్ కావొచ్చని, ఇందులో రికమెండేషన్స్ కు అవకాశం లేదని ఆయన చెప్పారు.
దిల్ రాజు ప్రొడక్షన్స్ లో ఇప్పటికే కంటెంట్ ఉన్న చిన్న చిత్రాలను నిర్మిస్తున్నారు దిల్ రాజు. ఈ కొత్త బ్యానర్ ద్వారా ప్రతిభ గల వారికి అవకాశాలు కల్పిస్తామని ఆయన చెబుతున్నారు. దిల్ రాజు డ్రీమ్స్ ద్వారా నిర్మించబోయే సినిమా టీమ్ లో రివ్యూయర్స్ ను కూడా తీసుకుంటామని, సినిమా నిర్మాణ సమయంలోనే తమ ఆలోచనలను స్క్రిప్ట్ లో పంచుకోవచ్చని దిల్ రాజు చెప్పారు. ఇటీవల భారీ చిత్రాలతో చిన్న, మీడియం రేంజ్ చిత్రాలకు దిల్ రాజు దూరమయ్యారు. ఆ కారణం వల్లే ఈ డెసిషన్ తీసుకున్నట్లు తెలుస్తోంది.
