యంగ్ హీరో కిరణ్ అబ్బవరం లెటెస్ట్ మూవీ “క” బాక్సాఫీస్ వద్ద సెన్సేషన్ క్రియేట్ చేస్తోంది. ఈ సినిమా సక్సెస్ మీట్ ను ఈ రోజు హైదరాబాద్ లోని ఓ హోటల్లో నిర్వహించారు. నిర్మాతలు దిల్ రాజు, బన్నీ వాస్, హీరో సందీప్ కిషన్, దర్శకులు వశిష్ట, అనిల్ విశ్వనాథ్ అతిథులుగా పాల్గొన్నారు. ఈ సందర్భంగా నిర్మాత దిల్ రాజు కిరణ్ అబ్బవరం కష్టం, ప్రతిభ వల్లే క సినిమా సక్సెస్ అయ్యిందని, అతను కొత్తగా వచ్చేవారికి ఇన్సిపిరేషన్ అని అన్నారు. అనంతరం
హీరో కిరణ్ అబ్బవరం మాట్లాడుతూ – క రిలీజ్ కు ముందు నెగిటివ్ గా మాట్లాడిన వారు 99 పర్సెంట్ ఉండేవారు. పెద్ద సినిమాల మధ్య మీ సినిమా ఎందుకు అన్నారు. మంచి మూవీ అని చెప్పినా ఎవరూ నమ్మలేదు. కానీ మేము చెప్పిన విషయాన్ని ప్రేక్షకులే నిజం చేశారు. సక్సెస్ ఫెయిల్యూర్స్ నా ఒంటికి పట్టవేమో, అందుకే ఫెయిల్యూర్, సక్సెస్ కు ఒకేలా రియాక్ట్ అవుతున్నాను. నాకు సక్సెస్ కంటే నా జర్నీ ముఖ్యం. ఏ హీరోను అతని మార్కెట్ బట్టి డిసైడ్ చేయొద్దు. ఒక్క శుక్రవారం చాలా ఆ నెంబర్స్ మారిపోవడానికి. మా ఫేట్ మారిపోవడానికి. అన్నారు.
