నటసింహం నందమూరి బాలకృష్ణ అఖండ, వీరసింహారెడ్డి చిత్రాలతో వరుసగా బ్లాక్ బస్టర్స్ సాధించి సెన్సేషన్ క్రియేట్ చేశాడు. ఇప్పుడు భగవంత్ కేసరి సినిమా చేస్తున్నాడు. దసరా కానుకగా అక్టోబర్ 19న భగవంత్ కేసరి చిత్రం రిలీజ్ కానుంది. అయితే.. నెక్ట్స్ మూవీని బాబీ డైరెక్షన్ లో చేయనున్నాడు. ఇదిలా ఉంటే.. బాలయ్యతో సినిమా చేసేందుకు సీనియర్ డైరెక్టర్ బి.గోపాల్ ఎప్పటి నుంచో వెయిటింగ్ లో ఉన్నాడు. ఈరోజు తిరుమల వెళ్లి శ్రీవారిని దర్శించుకున్నారు. అక్కడ మీడియాతో మాట్లాడుతూ బి.గోపాల్ బాలయ్యతో సినిమా గురించి స్పందించారు.
ఇంతకీ ఏం చెప్పారంటే.. బాలయ్య కోసం ఓ స్టోరీ రెడీ చేయిస్తున్నాను. కథ అంతా పక్కాగా రెడీ అయిన తర్వాత బాలయ్యకు కథ చెబుతాను అని చెప్పారు. బాలయ్యతో సినిమా చేసి రిటైర్ అయిపోవాలి అనుకుంటున్నారు బి.గోపాల్. ఇదే విషయం బాలయ్యకు చెబితే ఓకే సినిమా చేస్తానన్నారట. అప్పటి నుంచి కథ పై కసరత్తు చేస్తూనే ఉన్నారు. అయితే.. బాలయ్య కోసం వెయిటింగ్ లో పూరి జగన్నాథ్ కూడా ఉన్నారు. మరి.. బాలయ్య బి.గోపాల్ కి ఎప్పుడు డేట్స్ ఇస్తారో… ఆయన ఎప్పుడు సినిమా చేస్తారో..? క్లారిటీ రావాలంటే కొన్నాళ్లు ఆగాల్సిందే.
