సినిమాను ఏ ఒక్క భాషకు పరిమితం చేయకూడదని స్టార్ హీరో సూర్య ద్వారా నేర్చుకున్నానని, తన పాన్ ఇండియా మూవీస్ కు స్ఫూర్తి సూర్యనే అని అన్నారు దర్శకధీరుడు ఎస్ఎస్ రాజమౌళి. సూర్య హీరోగా నటించిన భారీ పీరియాడిక్ యాక్షన్ మూవీ కంగువ ఈ నెల 14న గ్రాండ్ థియేట్రికల్ రిలీజ్ కు వస్తోంది. హైదరాబాద్ లో సినిమా ప్రీ రిలీజ్ ఈవెంట్ ను రాజమౌళి అతిథిగా నిర్వహించారు. ఈ కార్యక్రమంలో సూర్య, రాజమౌళి మధ్య సంభాషణ ఆద్యంతం ఆసక్తికరంగా సాగింది.
సూర్య తన గజినీ సినిమాను తెలుగులో ప్రమోట్ చేసి తెలుగు ఆడియెన్స్ ప్రేమ పొందారు. మనమూ అలా మిగతా భాషల ప్రేక్షకుల ప్రేమ పొందవచ్చు అని సూర్యను చూశాక తెలిసింది. నా ప్రొడ్యూసర్స్, హీరోలకు సూర్యలా మనమూ చేద్దామని చెప్పేవాడిని. అలా నా పాన్ ఇండియా మూవీస్ కు సూర్య స్ఫూర్తి. ఆయనతో సినిమా చేసే అవకాశం నాకు మిస్ అయ్యిందని భావిస్తా. సూర్య నటనను ఇష్టపడతా అని అన్నారు. సూర్య మాట్లాడుతూ రాజమౌళి గారు వేసిన బాటలో పయణిస్తున్నామని, ఆయనతో ఒక సినిమా చేసే అవకాశం కోసం వేచి చూస్తున్నట్లు చెప్పారు.
