హీరోయిన్ సమంత లీడ్ రోల్ లో నటించిన క్రేజీ వెబ్ సిరీస్ సిటాడెల్ – హనీ బన్నీస్ట్రీమింగ్ కు వచ్చేసింది. అమోజాన్ ప్రైమ్ వీడియోలో ఈరోజు నుంచి ఈ వెబ్ సిరీస్ నుంచి స్ట్రీమింగ్ అవుతోంది. సోషల్ మీడియాలో సిటాడెల్ స్క్రీన్ షాట్స్ సందడి చేస్తున్నాయి. ఫ్యామిలీ మ్యాన్ లాంటి సూపర్ హిట్ వెబ్ సిరీస్ చేసిన దర్శకులు రాజ్ డీకే ఈ సిరీస్ ను రూపొందించారు.
రాజ్ డీకే డైరెక్షన్ తో పాటు సినిమాల నుంచి చిన్న గ్యాప్ తీసుకున్న తర్వాత సమంత స్క్రీన్ మీద కనిపిస్తున్న వెబ్ సిరీస్ కావడంతో సిటాడెల్ అందరి దృష్టినీ ఆకర్షిస్తోంది. అమెరికన్ వెబ్ సిరీస్ సిటాడెల్ ను ఇండియన్ వెర్షన్ గా ఈ సిరీస్ రూపొందించారు. వరుణ్ ధావన్ మరో ప్రధాన పాత్రలో నటించగా.. కే కే మీనన్ , సిమ్రాన్ , సికందర్ ఖేర్ , సాకిబ్ సలీమ్ ఇతర క్యారెక్టర్స్ లో కనిపించారు.
