రెబెల్ స్టార్ ప్రభాస్ తన కొత్త సినిమా ఫౌజీలో జాయిన్ అయినట్లు తెలుస్తోంది. ఈ సినిమా షూటింగ్ లో ప్రభాస్ పాల్గొంటున్నారు. దర్శకుడు హను రాఘవపూడి తెరకెక్కిస్తున్న ఈ సినిమా ఇటీవల లాంఛనంగా ప్రారంభం కాగా..తాజాగా షూటింగ్ బిగిన్ చేసుకుంది. ఈ సినిమాను మైత్రీ మూవీ మేకర్స్ నిర్మిస్తోంది. కొత్త నాయిక ఇమాన్వి ప్రభాస్ సరసన కనిపించనుంది.
లవ్ అండ్ వార్ కాన్సెప్ట్ తో ఫౌజీ సినిమాను రూపొందిస్తున్నారు హను రాఘవపూడి. సీతారామం వంటి బిగ్ పీరియాడిక్ మూవీ చేసిన తర్వాత హను డైరెక్షన్ పై ఎక్స్ పెక్టేషన్స్ పెరిగాయి. ప్రభాస్ తో ఆయన ఓ మెమొరబుల్ లవ్ స్టోరీ చేయబోతున్నాడని టాక్ వినిపిస్తోంది. ఈ సినిమాకు ఫౌజీ అనేది వర్కింగ్ టైటిల్ గానే ఉంది. మరోవైపు ప్రభాస్ రాజా సాబ్ షూటింగ్ కూడా జరుగుతోంది.
