కిరణ్ అబ్బవరం హీరోగా నటిస్తున్న క సినిమాకు సపోర్ట్ గా నిలుస్తున్నారు హీరో నాగచైతన్య. ఈ రోజు హైదరాబాద్ లో నిర్వహిస్తున్న ఈ చిత్ర ప్రీ రిలీజ్ ఈవెంట్ లో నాగ చైతన్య చీఫ్ గెస్ట్ గా పాల్గొనబోతున్నారు. నాగ చైతన్య క సినిమా ఈవెంట్ కు రావడంతో ఫిలిం సర్కిల్స్, అక్కినేని ఫ్యాన్స్ లో మంచి క్రేజ్ ఏర్పడుతోంది. ఒక మంచి మూవీకి సపోర్ట్ చేయాలనే క సినిమా ప్రీ రిలీజ్ లో నాగ చైతన్య పాల్గొంటున్నారు.
ఫస్ట్ లుక్ నుంచి ట్రైలర్ రిలీజ్ వరకు మంచి బజ్ క్రియేట్ చేస్తూ వస్తోంది క సినిమా. ఈ సినిమా కోసం టీమ్ అంతా డెడికేటెడ్ గా వర్క్ చేశారు. హీరో కిరణ్ అబ్బవరం చాలా కష్టపడ్డారు. మరో రెండు రోజుల్లో క సినిమా స్క్రీన్స్ మీదకు రాబోతోంది. ఒక రోజు ముందే ప్రీమియర్స్ వేస్తున్నారు. ఈ ట్రెండ్ బట్టి చూస్తే క సినిమా ఓపెనింగ్స్ స్ట్రాంగ్ గానే ఉంటాయని తెలుస్తోంది.
