యంగ్ హీరో అఖిల్(Akhil) స్ట్రాటజీ మార్చేశాడు. పెద్ద దర్శకులతో సినిమాలు చేస్తూ వచ్చాడు అఖిల్. ఫస్ట్ మూవీ తన పేరుతోనే వినాయక్ డైరెక్షన్ లో చేశాడు. ఆ తర్వాత విక్రమ్ కుమార్ దర్శకత్వంలో హలో మూవీలో నటించాడు. బొమ్మరిల్లు భాస్కర్ తో మోస్ట్ ఎలిజబుల్ బ్యాచ్ లర్ చేశాడు. సురేందర్ రెడ్డితో ఏజెంట్ చేశాడు. ఈ సినిమాలన్నీ ఒకదాని తర్వత ఒకటి బోల్తా కొట్టాయి. అందుకే ఇప్పుడు టాప్ డైరెక్టర్స్ కోసం వెయిట్ చేయకుండా కంటెంట్ బాగున్న సినిమాలు చేయాలని నిర్ణయించుకున్నాడట.
స్క్రిప్ట్ స్ట్రాంగ్ గా ఉన్న సినిమాలకే తన ప్రయారిటీ అని, టాప్ డైరెక్టర్స్ కాదని అంటున్నాడట అఖిల్. పూరి జగన్నాథ్ దర్శకత్వంలో అఖిల్ చేస్తున్నాడంటూ ఇటీవల వార్తలు వచ్చాయి. అయితే ఈ ప్రాజెక్ట్ లేదని, అదంతా రూమర్ అని తెలుస్తోంది. వినరో భాగ్యము విష్ణుకథ చిత్ర దర్శకుడు మురళీ కిషోర్ అబ్బూరుతో ఓ సినిమా, యూవీ సంస్థలో ధీర అనే మూవీ చేస్తున్నాడు అఖిల్. ప్రస్తుతం ఆయన ఖాతాలో ఈ రెండు చిత్రాలు ఉన్నాయి.
