క్రికెట్ లో దేశం తరుపున ఆడాలనుకునే ఓ మహిళా క్రికెటర్ ప్రమాదంలో చేతిని కోల్పోతే…ఆమె ఎమోషన్స్ ఎలా ఉంటాయో ఊహించుకోవచ్చు. ఆ బాధలో నుంచి తేరుకుని దేశానికి ఆడాలనే తన లక్ష్యాన్ని సాధించింది అంటే ఆమె పట్టుదలకు సలాం చేయొచ్చు. ఈ కథతో దర్శకుడు ఆర్ బాల్కీ రూపొందించిన సినిమా ఘూమర్. అమితాబ్ బచ్చన్, అభిషేక్ బచ్చన్, సయామీ ఖేర్, ఆనంద్ బేడీ లీడ్ రోల్స్ చేశారు. ఆగస్టు 18న విడుదల కానున్న ఈ సినిమా ట్రైలర్ లేటెస్ట్ గా విడుదల చేశారు.
ఈ ట్రైలర్ లో…ఇండియన్ క్రికెట్ టీమ్ కు సెలెక్ట్ అయిన అనని అనే యువతి ఎంతో సంతోషంగా ఆ సందర్భాన్ని కుటుంబంతో, ఫ్రెండ్స్ తో షేర్ చేసుకుంటుంది. అయితే అనుకోకుండా జరిగిన ప్రమాదంలో ఆమె చేతిని కోల్పోతుంది. ఒక్క చేత్తో క్రికెట్ ఆడలేననే డిప్రెషన్ లోకి వెల్తుంది. అప్పుడు అననికి కోచ్ అభిషేక్ అండగా నిలుస్తాడు. స్ఫూర్తినిస్తాడు. ఎలా గెలవాలో నేర్పిస్తాడు. ఒక్క చేత్తో బలాన్ని పుంజుకుని అనని మళ్లీ ఇండియన్ క్రికెట్ జట్టులోకి వస్తుంది. ఈ క్రమాన్నంతా దర్శకుడు ఆర్ బాల్కీ ఎంతో ఎమోషనల్ గా, ఇన్స్ పైరింగ్ గా ట్రైలర్ లో చూపించాడు. ఈ దర్శకుడి ప్రతిభకు అతని గత చిత్రాలు చీని కమ్, పా, పాడ్ మ్యాన్, కి అండ్ కా, చుప్ వంటి సినిమాలు నిదర్శనంగా నిలుస్తాయి.
