హీరో బాలకృష్ణ(Balakrishna) కొడుకు మోక్షజ్ఞ(Mokshagna)తో కొత్త సినిమా అనౌన్స్ చేశారు యంగ్ డైరెక్టర్ ప్రశాంత్ వర్మ(Prashant varma). హనుమాన్ తో బ్లాక్ బస్టర్ హిట్ అందుకున్న ప్రశాంత్ వర్మ దర్శకత్వంలో మోక్షజ్ఞ ఎంట్రీ ఇస్తున్నారు. ఈ రోజు మోక్షజ్ఞ పుట్టినరోజు సందర్భంగా కొత్త పోస్టర్ రిలీజ్ చేశారు ప్రశాంత్ వర్మ.
మోక్షజ్ఞ ఎంట్రీ మూవీని శ్రీ లక్ష్మీ వెంకటేశ్వర సినిమాస్(SLV cinemas) బ్యానర్ పై సుధాకర్ చెరుకూరి నిర్మిస్తున్నారు. త్వరలోనే ఈ సినిమా లాంఛనంగా ప్రారంభం కానుంది. ఈ సినిమా ప్రకటన సందర్భంగా ప్రశాంత్ వర్మ స్పందిస్తూ – మోక్షజ్ఞను పరిచయం చేసే అవకాశం కల్పించిన బాలకృష్ణకు థ్యాంక్స్. మోక్షజ్ఞను తన సినిమాటిక్ యూనివర్స్ లో ఆకట్టుకునేలా చూపించబోతున్నా. ఇది మా టీమ్ అందరికీ మెమొరబుల్ మూవీ అవుతుంది. అని ట్వీట్ చేశారు.
