మరో రెండేళ్లకు తమిళనాట రానున్న అసెంబ్లీ ఎన్నికలే లక్ష్యంగా రాజకీయ బరిలోకి దిగుతున్నారు స్టార్ హీరో విజయ్(Vijay). ఆయన తమిళగ వెట్రి కళగం అనే పార్టీని గత లోక్ సభ ఎన్నికలకు ముందే ప్రకటించారు. ఈ రోజు ఆ పార్టీ జెండాను ఆవిష్కరించారు. చెన్నైలోని పార్టీ కార్యాలయంలో పార్టీ నాయకులు, అభిమానులు మధ్య సందడిగా ఈ కార్యక్రమం జరిగింది.
దేశం కోసం ప్రాణాలు ఇచ్చిన త్యాగధనుల స్ఫూర్తితో, తమిళ వీరుల ఆశయాలు కాపాడేలా తమ పార్టీ ప్రజాసేవ చేస్తుందని, అందరికీ సమాన అవకాశాలు కల్పించడమే తమ పార్టీ లక్ష్యమని విజయ్ ఈ సందర్భంగా అన్నారు. తమిళనాట ఇప్పటికే చాలా మంది సినీ నటీనటులు రాజకీయాల్లోకి వచ్చారు. అయితే కమల్ హాసన్(kamal hasaan) లాంటి దిగ్గజాలకే చేదు అనుభవం ఎదురైంది. విజయ్ పార్టీ మనుగడ ఏంటన్నది కూడా ఊహాతీతమే.
