డీజే టిల్లు సినిమాతో క్రేజీ యంగ్ హీరోగా మారారు సిద్ధు జొన్నలగడ్డ. ఆయన ప్రస్తుతం డీజే టిల్లు సీక్వెల్ టిల్లు స్క్వేర్ లో నటిస్తున్నారు. ఈ సినిమా త్వరలో రిలీజ్ కు రెడీ అవుతోంది. ఈలోగా తన కొత్త ప్రాజెక్ట్స్ సెట్ చేసుకుంటున్నారీ యంగ్ హీరో. త్వరలో ఆయన ఖాతాలో మరో క్రేజీ మూవీ చేరనున్నట్లు సమాచారం. ఈ మూవీ గురించి తెలుస్తున్న సమాచారం ప్రకారం బొమ్మరిల్లు సీక్వెల్ గా ఉంటుందని అంటున్నారు.
దర్శకుడు భాస్కర్ ఈ సినిమాను తెరకెక్కించనున్నారు. బొమ్మరిల్లు సినిమాలో హీరో పేరు సిద్ధు. ఇప్పుడు సీక్వెల్ కు సిద్ధూనే హీరో కాబోతున్నారు. ఈ చిత్రానికి హ్యారీస్ జయరాజ్ సంగీతాన్ని అందించనున్నారని తెలుస్తోంది. బొమ్మరిల్లు సీక్వెల్ గురించి చాలా కాలంగా చర్చ జరుగుతోంది. మొదటి పార్ట్ హీరో సిద్దార్థ్ తోనే దర్శకుడు భాస్కర్ సీక్వెల్ చేస్తారనే మాటలూ వినిపించాయి. అయితే ఇటీవల ఓ ఇంటర్వ్యూలో సిద్ధార్థ్ ఈ రూమర్స్ ను ఖండించారు. బొమ్మరిల్లు సినిమాకు సీక్వెల్ చేయకూడదని, అలాంటి క్లాసిక్ ఎమోషన్స్ మళ్లీ సెట్ కావని ఆయన అభిప్రాయపడ్డారు. బొమ్మరిల్లు భాస్కర్, సిద్ధు జొన్నలగడ్డ ప్రాజెక్ట్ గురించి అఫీషియల్ అనౌన్స్ మెంట్ రావాల్సిఉంది.
