పవర్ స్టార్ పవన్ కళ్యాణ్ దేవుడుగా గోపాల గోపాల సినిమాలో నటించాడు. విక్టరీ వెంకటేష్ తో కలిసి పవన్ కళ్యాణ్ నటించిన గోపాల గోపాల సినిమా తెలుగు ప్రేక్షకులను ఆకట్టుకుంది. బాక్సాఫీస్ దగ్గర సక్సెస్ సాధించింది. ఇప్పుడు బ్రో అంటూ వచ్చాడు. ఇందులో సాయిధరమ్ తేజ్ తో కలిసి నటించాడు. ఈ చిత్రానికి సముద్రఖని డైరెక్టర్. మాటల మాంత్రికుడు త్రివిక్రమ్ శ్రీనివాస్ స్ర్కీన్ ప్లే – డైలాగ్స్ అందించాడు. పీపుల్ మీడియా ఫ్యాక్టరీ సంస్థ ఈ చిత్రాన్ని నిర్మించింది. ఈ సినిమాలో కూడా పవర్ స్టార్ దేవుడుగా నటించి మెప్పించాడు.
గోపాల గోపాల, బ్రో.. ఈ రెండు చిత్రాల్లో దేవుడుగా నటించిన పవర్ స్టార్ ఇప్పుడు ముచ్చటగా మూడోసారి దేవుడు పాత్ర చేయనున్నాడని టాలీవుడ్ లో టాక్ వినిపిస్తోంది. పవర్ స్టార్ దేవుడుగా నటించనున్న మూడో సినిమా ఏంటంటే.. ఓ మై గాడ్ 2 అని వార్తలు వస్తున్నాయి. ఓ మై గాడ్ 2 లో బాలీవుడ్ స్టార్ అక్షయ్ కుమార్ దేవుడి పాత్రలో నటిస్తున్నాడు. త్వరలో ఈ సినిమా రిలీజ్ కానుంది. ఈ సినిమాను కూడా తెలుగులో రీమేక్ చేయాలి అనుకుంటున్నారట. అంతా అనుకున్నట్టుగా జరిగితే.. ఈ రీమేక్ లో పవర్ స్టార్ దేవుడుగా నటించడం ఖాయమని ప్రచారం జరుగుతోంది.
