కల్కి 2898 ఏడీ తరువాత అదే రేంజ్‌లో భారీ హైప్‌ ఉన్న సౌత్ మూవీ ఎస్ఎస్ఎంబీ 29. ఇంకా సెట్స్ మీదకు కూడా వెల్లని ఈ సినిమా గురించి అంతర్జాతీయ స్థాయిలో డిస్కషన్ జరుగుతోంది. ఇంత క్రేజ్‌ ఉన్న ఈ సినిమా ఎప్పుడు సెట్స్ మీదకు వెళుతుంది..? అస్సలు జక్కన్న, మహేష్ ప్రజెంట్ ఏం చేస్తున్నారు..? ఈ స్టోరీలో చూద్దాం.
గుంటురు కారం రిలీజ్ తరువాత షార్ట్ బ్రేక్ తీసుకున్న మహేష్, వెంటనే నెక్ట్స్ మూవీ వర్క్ షురూ చేశారు. రాజమౌళి దర్శకత్వంలో ఓ గ్లోబల్ మూవీ ప్లాన్ చేసిన సూపర్ స్టార్‌, ఆ సినిమా కోసం మేకోవర్ అయ్యే పనిలో ఉన్నారు. ట్రిపులార్ రిలీజ్ తరువాత ఎక్కువ రోజులు ఆ సినిమా ప్రమోషన్స్ మీదే గడిపిన జక్కన్న కూడా ఇప్పుడు పూర్తిగా మహేష్ మూవీ మీదే వర్క్ చేస్తున్నారు.
ప్రస్తుతానికి ఎస్ఎస్ఎంబీ 29గా వ్యవహరిస్తున్న ఈ సినిమాకు సంబంధించి, స్క్రిప్ట్‌ వర్క్ ఈ మధ్యే పూర్తయ్యింది. ప్రీ ప్రొడక్షన్ పనులు కూడా మొదలయ్యాయి. దీంతో త్వరలోనే సినిమాను సెట్స్ మీదకు తీసుకెళ్లేందుకు రెడీ అవుతున్నారు మేకర్స్‌. అయితే అంతకు ముందే బిగ్ ప్లాన్ రెడీ చేశారు జక్కన్న.
ఆగస్టు 9న మహేష్ బాబు బర్త్‌ డే సందర్భంగా సినిమా గురించి అఫీషియల్ ఎనౌన్స్మెంట్ ఇచ్చేందుకు రెడీ అవుతున్నారు జక్కన్న. అంతేకాదు ఈ లోగా కాస్టింగ్‌ను ఫైనల్‌ చేసి అదే వేదిక మీద కాస్ట్ అండ్ క్రూ డిటైల్స్‌ కూడా వెల్లడించే ఆలోచనలో ఉన్నారు. అఫీషియల్ ఎనౌన్స్మెంట్ తరువాత ఆరు నెలల పాటు కాస్ట్ అండ్ క్రూతో వర్క్‌షాప్‌ కండక్ట్ చేసేందుకు ఏర్పాట్లు చేస్తున్నారు.
వర్క్ షాప్‌ కూడా పూర్తయిన తరువాతే షూటింగ్ స్టార్ట్ అవుతుంది. అంటే 2025 ఫస్ట్ కార్వర్ట్‌లో ఎస్ఎస్ఎంబీ 29 సెట్స్ మీదకు వెళుతుంది. యాక్షన్ అడ్వంచరస్ థ్రిల్లర్‌గా తెరకెక్కుతున్న ఈ సినిమాలో ఇంతవరకు ట్రై చేయని డిఫరెంట్ లుక్‌ ట్రై చేస్తున్నారు మహేష్. ఈ సారి నేషనల్‌ లెవల్‌లో కాదు గ్లోబల్ లెవల్‌లో కాస్టింగ్ సెట్ చేస్తున్నారు జక్కన్న.